លោក ឈាង វុន អញ្ជើញជាអធិបតីក្នុងពិធីជប់លៀងស្វាគមន៍ជូនគណៈប្រតិភូចូលរួមសិក្ខាសាលា ស្តីពីការប្រើប្រាស់ឌីជីថល និង AI ក្នុងស្ថាប័នសភា និងត្រៀមបើកកិច្ចប្រជុំគណៈកម្មការនយោបាយ APF
03-05-2026 15:32
(សៀមរាប)៖ នាយប់ថ្ងៃសៅរ៍ ទី២ ខែឧសភា ឆ្នាំ២០២៦ លោក ឈាង វុន ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា និងជាអនុប្រធានក្រុមសភាជាតិកម្ពុជានៃសភានិយាយភាសាបារាំង (APF) បានអញ្ជើញជាអធិបតីក្នុងពិធីជប់លៀងជូនប្រតិភូចូលរួមសិក្ខាសាលាស្តីពី "ក្របខណ្ឌ និងការប្រើប្រាស់ឌីជីថល និងបញ្ញាសិប្បនិម្មិត (AI) នៅក្នុងសភា"។
ព្រឹត្តិការណ៍នេះ ក៏ជាបុព្វហេតុឈានទៅរកកិច្ចប្រជុំរបស់គណៈកម្មការនយោបាយនៃសភានិយាយភាសាបារាំង (APF) ដែលនឹងប្រព្រឹត្តទៅចាប់ពីថ្ងៃទី៣ ដល់ថ្ងៃទី៤ ខែឧសភា ឆ្នាំ២០២៦ នៅលើទឹកដីប្រវត្តិសាស្ត្រខេត្តសៀមរាប៕
