(ក្រចេះ)៖ កម្រងសាលាពុទ្ធិកបឋមសិក្សាសម្តេចអគ្គមហាសេនាបតីតេជោ ហ៊ុន សែន ស្រុកសំបូរ ស្ថិតនៅវត្តព្រះវិហារធំសសរ១០០ ស្រុកសំបូរ ខេត្តក្រចេះ បានបើកបវេសន​កាលឆ្នាំសិក្សាថ្មី ព.ស.២៥៧០ ឆ្នាំ២០២៦-២០២៧ នាព្រឹកថ្ងៃទី៥ ខែឧសភា ឆ្នាំ​២០២៦នេះ។

ជាមួយការបើកបវេសនកាលឆ្នាំសិក្សាថ្មីនេះ ក៏មានប្រគេន និងជូនសិក្ខូបករណ៍(សម្ភារៈសិក្សា) រួមទាំងបច្ច័យបួនដល់សមណសិស្ស និងសិស្សផងដែរ។

ពិធីបើកបវេសនកាលឆ្នាំសិក្សាថ្មី ព្រះសិរីសម្ភារ៍​ បណ្ឌិត​ អេង​ ផល្លា​ ព្រះរាជាគណៈកិត្តិ​យស នៃព្រះរាជាណាចក្រកម្ពុជា​ ព្រះគ្រូវិសោធបញ្ញា ព្រះអនុគណស្រុកសំបូរ​ ខេត្ត​ក្រចេះ និងជាព្រះនាយកកម្រងសាលាពុទ្ធិកបឋមសិក្សា សម្តេចអគ្គមហាសេនាបតី​តេជោ ហ៊ុន សែន ស្រុកសំបូរ។

ក្នុងពិធីនោះ ក៏មាននិមន្ត និងអញ្ជើញចូលរួមពីសហការីមន្ត្រីសង្ឃ​នៃសាលាអនុគណ​ស្រុកសំបូរ អគ្គមហាឧបាសិកា មហាឧបាសក មហាឧបាសិកា ប្រជាពុទ្ធបរិស័ទ លោក​គ្រូ​ធម្មាចារ្យ លោកគ្រូឧទ្ទេសាចារ្យ លោកគ្រូបង្រៀន រួមទាំងសមណសិស្ស សិស្សជា​ច្រើន​អង្គ/នាក់។

កម្រងសាលាពុទ្ធិកបឋមសិក្សាសម្តេចអគ្គមហាសេនាបតីតេជោ ហ៊ុន សែន ស្រុកសំបូរ ជាថ្នាលបណ្តុះពុទ្ធិមួយដ៏សំខាន់ដល់សមណសិស្ស និងសិស្សជាកូនចៅប្រជាពលរដ្ឋខ្មែរ​នៅតំបន់ដាច់ស្រយាលក្នុងស្រុកសំបូរ។

កម្រងសាលាពុទ្ធិកបឋមសិក្សាសម្តេចអគ្គមហាសេនាបតីតេជោ ហ៊ុន សែន ស្រុកសំបូរ បង្រៀន ៣ថ្នាក់ឆ្នាំសិក្សា ថ្នាក់ឆ្នាំទី១ ថ្នាក់ឆ្នាំទី២ និងថ្នាក់ឆ្នាំទី៣ ដោយបង្រៀន​លើមុខ​វិជ្ជា​ពុទ្ធប្បវត្តិ ពុទ្ធសាសនា ពុទ្ធវិន័យ ប្រជុំកងធម៌ សុភាសិត ភាសាខ្មែរ សិក្សាសង្គម ភាសា​អង់គ្លេស ភាសាបាលី គណិតវិទ្យា និងវិទ្យាសាស្ត្រ។

ក្នុងឆ្នាំសិក្សាថ្មីនេះ សមណសិស្ស និងសិស្សសិក្សាសរុប ១០៨អង្គ/នាក់៕