(រតនគិរី)៖​ អ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកប្រតិបត្តិក្រុមហ៊ុន រ៉ូយ៉ាល់គ្រុប និង​អ្នកឧកញ៉ា ម៉ៅ ចំណាន បានឧបត្ថម្ភថវិកាចំនួន ​មួយម៉ឺនដុល្លារអាមេរិក​ ជូនសាខាកាកបាទក្រហមកម្ពុជាខេត្តរតនគិរី ក្នុងឱកាសខួបលើកទី១៦៣ ទិវា ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។​

ក្នុងឱកាសនេះ លោក ញ៉ែម សំអឿន ប្រធានគណៈកម្មាធិការសាខាកាកបាទក្រហមកម្ពុជា ខេត្តរតនគិរី បាន​ថ្លែងអំណរគុណយ៉ាងជ្រាលជ្រៅបំផុតចំពោះ អ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកប្រតិបត្តិក្រុមហ៊ុន រ៉ូយ៉ាល់គ្រុប និង​អ្នកឧកញ៉ា ម៉ៅ ចំណាន ដែមានសទ្ធាជ្រះថ្លា ប្រកបដោយកាយវិកាមនុស្សធម៌ បានឧបត្ថម្ភថវិកា​ ជូនសាខាកាកបាទក្រហមកម្ពុជា ខេត្តរតនគិរី ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

សាខាកាកបាទក្រហមកម្ពុជាខេត្តរតនគិរី នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើសកម្មភាពមនុស្សធម៌ជួយដល់ប្រជាពលរដ្ឋងាយរងគ្រោះបំផុត។ សូមគោរពជូនពរ អ្នកឧកញ៉ា គិត ម៉េង និងលោកជំទាវ​​អ្នកឧកញ៉ា ម៉ៅ ចំណាន ព្រមទាំងក្រុមគ្រួសារ ទទួលនូវពុទ្ធពរ៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ដើម្បីមានមូលនិធិសម្រាប់បន្តបេសកកម្មមនុស្សធម៌ជាជំនួយការជូនរាជរដ្ឋាភិបាល សាខាកាកបាទក្រហមកម្ពុជា ខេត្តរតនគិរី សូមអំពាវនាវចំពោះ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនមកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគថវិកា សម្ភារ ជូនសាខាកាកបាទក្រហមកម្ពុជា ខេត្តរតនគិរី ដោយសទ្ធាជ្រះថ្លា និងតាមការស្ម័គ្រចិត្ត។
ការចូលរួមឧបត្ថម្ភគាំទ្រការងារមនុស្សធម៌តាមរយៈសាខាកាកបាទក្រហមកម្ពុជា ខេត្តរតនគិរី គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយគ្រួសាររងគ្រោះ និងងាយរងគ្រោះបំផុត។

សប្បុរសជនគ្រប់មជ្ឈដ្ឋាន អាចបរិច្ចាគជូនសាខាកាកបាទក្រហមកម្ពុជា ខេត្តរតនគិរី តាមរយៈក្រុមការងារនៅទីស្នាក់ការសាខាខេត្ត ចាប់ពីថ្ងៃចេញសេចក្តីប្រកាសនេះតទៅ ឬធ្វើការបរិច្ចាគតាមរយៈគណនីធនាគាររបស់សាខាកាកបាទក្រហមកម្ពុជា ខេត្តរតនគិរី ដូចខាងក្រោម៖

• ធនាគារវីង
CAMBODIAN RED CROSS RATANAKIRI BRANCH (103239637) រៀល
CAMBODIAN RED CROSS RATANAKIRI BRANCH (103239619) ដុល្លារ
• ធនាគារកាណាឌីយ៉ា
CAMBODIAN RED CROSS (0410 00 02203 81) រៀល
CAMBODIAN RED CROSS (0410 00 02203 73) ដុល្លារ
• ធនាគារអេស៊ីលីដា
CRC-Rattanakiri Branch II (2600 04 407384 11) រៀល
CRC-Rattanakiri Branch I (2600 10 532237 11) ដុល្លារ
• ធនាគារវឌ្ឍនៈ
CAMBODIAN RED CROSS RTKB (007 549 035) រៀល
CAMBODIAN RED CROSS RTKB (007 418 756) ដុល្លារ

• រាល់ព័ត៌មានបន្ថែម សូមមេត្តាទំនាក់ទំនង៖
-ឯកឧត្តម ញ៉ែម សំអឿន ទូរស័ព្ទលេខៈ ០៧១ ៤៤៥ ៨៨៨៨
-លោក ដួច ប៊ុនណា ទូរស័ព្ទលេខៈ ០៧១ ៧១៧ ៤៤៤៤
-លោក ឌឹម ណាត ទូរស័ព្ទលេខៈ ០១៧ ៧០ ៧០ ៣៤, ០៨៨ ២៥៧ ៧០០០៕