(កណ្ដាល)៖ លោក សុខ កាន់ណារិទ្ធ ប្រធានមន្ទីររៀបចំដែនដី នគររូបនីយកម្ម សំណង់ និងសូរិយោដី ខេត្តកណ្ដាល នៅថ្ងៃទី៦ ខែឧសភា ឆ្នាំ២០២៦ បានដឹកនាំកិច្ចប្រជុំពិនិត្យការងារប្រចាំខែមេសា និងលើកទិសដៅអនុវត្តបន្ត។ ពិធីមានការអញ្ជើញចូលរួមពីលោក លោកស្រី ថ្នាក់ដឹកនាំមន្ទីរ ប្រធាន អនុប្រធានការិយាល័យចំណុះមន្ទីរ ប្រធានការិយាល័យ ដនសភ ក្រុង/ស្រុក អនុប្រធានក្រុមវាល និងផ្នែក GIS។

នាឱកាសនេះដែរ លោកសុខ កាន់ណារិទ្ធ អនុញ្ញាតឱ្យសមាជិក សមាជិកានៃអង្គប្រជុំលើកឡើងពីបញ្ហាប្រឈម និងសំណូមពរផ្សងៗ ដើម្បីយកមកដោះស្រាយ ហើយប្រធានមន្ទីរក៏បានណែនាំ និងផ្តល់នូវអនុសាសន៍ល្អៗមួយចំនួនជូនដល់មន្ត្រីដេីម្បីយកទៅអនុវត្តឱ្យការងារកាន់តែមានប្រសិទ្ធភាព សំដៅសម្រេចឱ្យបាននូវចក្ខុវិស័យរបស់រដ្ឋបាលខេត្ត និងផែនការគោលនយោបាយរបស់ក្រសួងរៀបចំដែនដី នគរូបនីយកម្ម និងសំណង់។

កិច្ចប្រជុំនេះ ផ្តោតសំខាន់លើរបៀបវារៈសំខាន់ដូចជា៖

*ពិនិត្យ តាមដានវឌ្ឍនភាព និងជំរុញការងារចុះបញ្ជីដីធ្លីមានលក្ខណៈជាប្រព័ន្ធ ក្នុងភូមិសាស្រ្តខេត្តកណ្តាល
*ការពង្រឹងប្រសិទ្ធភាពក្នុងការផ្តល់សេវាសាធារណៈ
*ការងាររៀបចំដែនដី និងនគរូបនីយកម្ម
*ការងារសំណង់ និងបញ្ហាផ្សេងៗ។

សូមជម្រាបថា ក្រុមការងាររៀបចំដែនដី ខេត្តកណ្ដាល ក្រោមការដឹកនាំរបស់លោក សុខ កាន់ណារិទ្ធ បានសម្រេចនូវស្នាដៃចេញប្លង់រឹងដល់ប្រជាពលរដ្ឋយ៉ាងច្រើន និងនៅតែបន្តខិតខំធ្វការលើរឿងចេញប្លង់ដីជូនប្រជាពលរដ្ឋឱ្យបានលឿនរហ័ស និងមានប្រសិទ្ធភាព៕