(កំពត)៖ ពីទីធ្លាប់តែចង្អៀត មិនស្រឡះ និងមិនសូវមានសណ្តាប់ធ្នាប់នោះ បច្ចុប្បន្ន មាត់ ព្រែក ក្នុងក្រុងកំពត បានក្លាយទៅជាទីកន្លែងទស្សនាចរដ៏ពេញនិយមមួយ។ ភាពពេញ និយមបន្ទាប់ពីអាជ្ញាធរខេត្តកំពត ក្រោយពីលោក ម៉ៅ ធនិន្ទ ចូលមកដឹកនាំខេត្តនេះ បាន រំដោះយកមាត់ព្រែកពីការកាន់កាប់ផ្តាល់ខ្លួនរបស់ប្រជាពលរដ្ឋ មកធ្វើជា ទីសា ធា រណៈ បង្កើតជាឆ្នេរ បង្កើតជាផ្លូវថ្មើរជើងជាដើម។

បន្ថែមពីលើនោះ លោក ម៉ៅ ធនិន្ទ ក៏បានសាងសង់ផលិតផលទេសចរណ៍មួយចំនួន ទៀត ដូចជារូបសេះសមុទ្របាញ់ រៀបចំកន្លែងបាញ់ទឹករាំតាមភ្លេង និងនាឡិកាយក្សជាដើម។ ក្រៅពីសំណង់សម្រាប់ការគយគន់របស់អ្នកទេសចរហើយនោះ លោកអភិបាលខេត្ត ក៏ បាន រៀបចំផ្លូវ ម៉ា ស្សា បាតជើងនៅលើឆ្នេរក្រុងកំពតដែរ។

ផ្លូវម៉ាស្សាបាតជើងនេះ កំពុងក្លាយជាទីពេញនិយមសម្រាប់ពលរដ្ឋខេត្តកំពតមានវ័យ ចំណាស់។ នៅពេលព្រឹកឡើងពួកគាត់តែងនាំគ្នាមកដល់នៅលើផ្លូវម៉ាស្សាបាតជើងនេះ ហើយពួកគាត់ បានកត់សម្គាល់ឃើញថា ក្រោយដើរលើផ្លូវម៉ាស្សាបាតជើងមួយរយៈ ពេល ធ្វើឱ្យសុខភាពហាក់មានភាពល្អប្រសើរ។

បើតាមការកត់សម្គាល់របស់ពួកគាត់បម្រែបម្រួលនោះ គឺធ្វើឱ្យសម្រាន្តលក់ស្រួល បំបាត់ភាពចុករោយដងខ្លួន ហើយបានជួយដល់តម្រងនោមថែមទៀតផង។

ផ្តើមចេញពីផលផ្នែកសុខភាពក្រោយបានដើរលើផ្លូវម៉ាស្សាបាតជើងនេះ ពលរដ្ឋវ័យ ចំណាស់ក្នុងខេត្តកំពត ក៏ចង់ឃើញនៅតាមទីសាធារណៈនានា រៀបចំផ្លូវម៉ាស្សាបាតជើង បែប នេះ ទុកឱ្យចាស់ៗបានដើរផងដែរ៕