៥ឆ្នាំ លោក ម៉ៅ ធនិន្ទ ដោះស្រាយជម្លោះពលរដ្ឋជាង ៣ពាន់ករណី ភាគច្រើនវិវាទដីធ្លី (Video inside)
08-05-2026 18:16
(កំពត)៖ លោក ម៉ៅ ធនិន្ទ ជាអភិបាលខេត្តមួយរូប ដែលទទួលបានភាពល្បាញល្បីតាមរយៈការបង្កើតវេទិកាដោះស្រាយជម្លោះជូនប្រជាពលរដ្ឋ។ បន្តពីខេត្តពោធិ៍សាត់ មកដល់ខេត្តកំពតភាគនិរតីប្រទេស លោក ម៉ៅ ធនិន្ទ នៅតែបន្តរំលែកពេលវេលាពីកិច្ចការដឹកនាំរដ្ឋបាល មកអង្គុយដោះស្រាយបញ្ហាជូនប្រជាពលរដ្ឋក្នុងទិដ្ឋភាពជាគ្រួសារ។
រយៈពេលប្រមាណ៥ឆ្នាំនៅលើទឹកដីខេត្តកំពត លោក ម៉ៅ ធនិន្ទ បានទទួល និងដោះស្រាយជម្លោះជូនប្រជាពលរដ្ឋបានជាង៣ពាន់ករណី។ ជម្លោះចូលដល់ដៃរបស់លោកភាគច្រើនត្រូវបានដោះស្រាយបញ្ចប់ក្រោមនយោបាយឈ្នះ-ឈ្នះ ដែលជាមរតករបស់សម្តេចតេជោ ហ៊ុន សែន។
ការដោះស្រាយទំនាស់ក្រៅប្រព័ន្ធតុលាការរបស់លោក ម៉ៅ ធនិន្ទ ទទួលបានការកោតសរសើរពីថ្នាក់ដឹកនាំជាតិ រួមទាំងប្រជាពលរដ្ឋគ្រប់មជ្ឈដ្ឋាន។
តើលោក ម៉ៅ ធនិន្ទ ដែលពលរដ្ឋឱ្យរហស្សនាមប៉ាវចិនស្រុកខ្មែរ មានសិល្បៈ និងវិធីសាស្ត្របែបណាខ្លះក្នុងការដោះស្រាយបញ្ហារបស់ប្រជាពលរដ្ឋ? សូមទស្សនាវីដេអូដែលជាបទសម្ភាសន៍របស់ Fresh News ដូចតទៅនេះ៖
