(ភ្នំពេញ)៖ ដោយអនុវត្តតាមបទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងការិយាល័យបច្ចេកវិទ្យា សហការជាមួយអធិការដ្ឋាននគរបាលខណ្ឌ៧មករា បានចុះត្រួតពិនិត្យបន្ទប់ BB cake នៃមជ្ឈមណ្ឌលអូឡាំព្យាអាគារ S3 ក្នុងសង្កាត់វាលវង់។

ប្រតិបត្តិការនៅថ្ងៃទី៩ ខែឧសភា ឆ្នាំ២០២៦នេះ ដឹកនាំដោយ លោកឧត្តមសេនីយ៍ទោ ប៊ុន សុសិក្ខា ស្នងការរងទទួលផែនការងារសន្តិសុខ ដោយលទ្ធផលត្រួតពិនិត្យ រកឃើញជនបរទេសស្នាក់នៅចំនួន៣នាក់ ពាក់ព័ន្ធបទល្មើស Online Scams ក្រោមរូបភាពឆបោកអូសទាញវិនិយោគ។

សម្ភារៈដកហូត All in one ២គ្រឿង, Monitors ១គ្រឿង, ទូរស័ព្ទ ៤គ្រឿង។ បច្ចុប្បន្នសម្ភារៈ និងមនុស្សបញ្ជូនទៅការិយាល័យបច្ចេកវិទ្យា ដើម្បីចាត់បន្ដតាមនីតិវិធី៕