(ព្រះវិហារ)៖ ឧត្តមសេនីយ៍ឯក ប៊ុន ដា ប្រធាននាយកដ្ឋានកណ្តាលនគរបាលសណ្តាប់ធ្នាប់ នៃអគ្គស្នងការនគរបាលជាតិ បាននាំយកអំណោយជាស្បៀង ថវិក និងសម្ភារប្រើប្រាស់របស់មូលនិធិក្រុមម៉ូតូ Happy Bike ដែលជាអំណោយដ៏ថ្លៃថ្លារបស់ សម្តេច មហាបវរធិបតី ហ៊ុន ម៉ាណែត និងលោកជំទាវបណ្ឌិត ជូនដល់កងពលតូចអន្តរាគមន៍លេខ៧ សឹករងខេត្តព្រះវិហារ និងវីរៈសេនាតូចនគរបាលការពារព្រំដែនគោកលេខ៧៩៣។

ពិធីប្រគល់អំណោយនេះ បានរៀបចំឡេីងនាថ្ងៃទី៩ ខែឧសភា ឆ្នាំ២០២៦ ដោយមានការចូលរួម ពីសមាជិកក្រុមម៉ូតូ Happy Bike និងអាជ្ញាធរមូលដ្ឋាន រួមមាន លោក អ៊ុក គឹមសាន អភិបាលរងខេត្តព្រះវិហារ, លោក ប៉ុក ងួន អភិបាលក្រុងព្រះវិហារ, លោក ទេស សំអាន អភិបាលរងស្រុករវៀង និងនាយករងទីចាត់ការរដ្ឋបាលខេត្តព្រះវិហារ

អំណោយជូនកងកម្លាំងខាងលើរួមមាន៖

១. ទឹកPocari Sweat ចំនួន ៣០០កេស
២. មីជាតិ ចំនួន ៣០០កេសតូច
៣. ថ្នាំប៉ារ៉ា ចំនួន ៣០០ប្រអប់
៤. ទឹកត្រី ចំនួន ៣០០ដប
៥. ទឹកស៊ីអីវ ចំនួន ៣០០ដប
៦. បារី ចំនួន ៦ប៉ិច
៧. ពងទាប្រៃ ចំនួន ១,៥០០គ្រាប់
៨. ត្រីខកំប៉ុង ចំនួន ១,៥០០កំប៉ុង
៩. ប្រេងកូឡា ចំនួន ១,០០០ប្រអប់
១០. សាប៊ូដុំ ចំនួន ១,០០០ដុំ
១១ ធុងទឹកចំណុះ ៣០លីត្រ ចំនួន ១,០០០ធុង
១២. ថវិកា ចំនួន ១៥លានរៀល

បន្ទាប់ពីបានជួបសំណេះសំណាលជាមួយកងកម្លាំង ក្រុមការងារ បានបន្តជួបសំណេះសំណាល ជាមួយបងប្អូនដែលជាជនពិការចំនួន ៤៦នាក់ ដែលមកពីស្រុករវៀង ២៥នាក់ ក្រុងព្រះវិហារ ២០នាក់, ក្មេងកំព្រា ៦៥នាក់ និងអ្នកមើលថែទាំក្មេងកំព្រា(ម៉ែដោះ) ៦នាក់ សរុបចំនួន ១១៧នាក់ នៅក្នុងមណ្ឌលកុមារកំព្រា ក្នុងក្រុងព្រះវិហារ ខេត្តព្រះវិហារ និងបានជូនជនពីការម្នាក់ៗទទួលបានរទេះរុញ ១គ្រឿង, ថវិកាចំនួន ៥០,០០០រៀល, អាវចាក់ ១, កន្សែងពោះគោ ១, ថ្នាំប៉ារ៉ាសេតាមុល ១ប្រអប់, អង្ករ ១០គីឡូក្រាម, ទឹកដោះគោខាប់ ១កំប៉ុង និងទឹកPocari Sweat ១កេស។

ចំពោះក្មេងកំព្រាបានជូនក្នុងម្នាក់ ទទួលបាន កាតាប១, ក្តាសរសេរ ១, សៀវភៅ ខ្មៅដៃ ជ័រលុប ១សម្រាប់, ថវិកា ៥០,០០០រៀល, ដបទឹករក្សាសីតុណ្ហភាព ១ដប និងទឹកដោះគោខាប់ ១កំប៉ុង រីឯ អ្នកមើលថែទាំក្មេងកំព្រា(ម៉ែដោះ៦នាក់ )ក្នុងៗទទួលបានថវិកាចំនួន ៥០,០០០រៀល, អាវចាក់ ១, កន្សែងពោះគោ ១, ថ្នាំប៉ារ៉ាសេតាមុល ១ប្រអប់, អង្ករ ១០គីឡូក្រាម, ទឹកដោះគោខាប់ ១កំប៉ុង សាប៊ូដុសខ្លួន១និងទឹកPocari Sweat ១កេស។

សរុបអំណោយដែលបានផ្តល់ជូនសរុបរួមមាន៖

១. រទេះជនពិការ ចំនួន ៤៦គ្រឿង
២.អាវគ្រប់ប្រភេទ ចំនួន ១០កេស
៣.ខោទឹកនោម ចំនួន ៥០កេសធំ
៤. ទឹកដោះគោខាប់ ចំនួន ១២០កំប៉ុង
៥. ថ្នាំប៉ារ៉ា ចំនួន ១២០ប្រអប់
៦. សម្ភារៈក្មេងកំព្រា ចំនួន ៦៥ឈុត
៧. សម្ភារៈគ្រូ ចំនួន ១៥ឈុត
៨. អង្ករ ចំនួន ៦៩បាវ
៩. ទឹកPocari Sweat ចំនួន ៧០កេស
១០. កន្សែងជូតខ្លួន ចំនួន ១៥០កន្សែង
១១. ថវិកា ចំនួន ៦លានរៀល៕