(កំពត)៖ ស្រុកទឹកឈូ ជាស្រុកមួយនៅខេត្តកំពតនដែលបច្ចុប្បន្ននេះ បានប្រើប្រព័ន្ធបច្ចេកវិទ្យាគ្រប់គ្រងទិន្នន័យប្រជាពលរដ្ឋ។ នៅគ្រប់រដ្ឋបាលឃុំ បានប្រើប្រាស់បច្ចេកវិទ្យានេះ ដើម្បីបញ្ចូលទិន្នន័យរបស់ប្រជាពលរដ្ឋ។

តាមរយៈប្រព័ន្ធបច្ចេកវិទ្យានេះ ធ្វើឱ្យការផ្តល់សេវាអត្រានុកូលដ្ឋាននៅទូទាំងស្រុកងាយស្រួល និងលឿនរហ័ស។

បច្ចុប្បន្នដើម្បីបង្កភាពងាយស្រួល និងកាត់បន្ថយការចំណាយពេលវេលារបស់ប្រជាពលរដ្ឋ នៅស្រុក ឬខេត្តឆ្ងាយ ពាក់ព័ន្ធការស្នើសុំចម្លងសំបុត្រអត្រានុកូលដ្ឋាន (សំបុត្រកំណើត សំបុត្របញ្ជាក់កំណើត សំបុត្រអាពាហ៍ពិពាហ៍ សំបុត្រមរណៈភាព ) ក្នុងស្រុកទឹកឈូ ខេត្តកំពត អាចស្នើសុំសេចក្តីចម្លងតាមប្រព័ន្ធអនឡាញបានដោយគ្រាន់តែចូលទៅកាន់វេបសាយ (toekchhou.info) ឬក៏លេខតេលេក្រាមរបស់រដ្ឋបាលស្រុក ដែលមានលេខ 012 42 43 89 ។

អ្វីដែលពិសេសជាងនេះទៀត ដែលនៅខេត្តឆ្ងាយៗ អាចស្នើសុំឱ្យក្រុមការងារផ្ញើជូនតាមក្រុមហ៊ុនដឹកជញ្ជូនទៅដល់ទីតាំងរបបាន ដោយគ្រាន់តែចំណាយថ្លៃសេវាដឹកជញ្ជូនប៉ុណ្ណោះ។

សេវាគាប់ប្រសើរបែបនេះ ជាបំណងប្រាថ្នារបស់ពលរដ្ឋនៅទូទាំងប្រទេស តែបច្ចុប្បន្នការអនុវត្តបែបនេះ មិនទាន់មានច្រើននៅឡើយទេ៕