តើអភិបាលខេត្តកំពត បានធ្វើអ្វីខ្លះដើម្បីប្រែក្លាយខេត្តកំពត ជាទីឋានមេត្រីភាពទេសចរណ៍?
13-05-2026 14:54
(កំពត)៖ ខេត្តកំពតជាខេត្តទេសចរណ៍ជាប់សមុទ្រភាគនិរតីនៃប្រទេសកម្ពុជា ហើយស្ថិតមិនឆ្ងាយពីរាជធានីភ្នំពេញនោះឡើយ។ កំពតមានភ្នំ មានជ្រោះ មានព្រែក មានសមុទ្រ ដែលជាសក្តានុពលមហាសាលប្រទានពីធម្មជាតិសម្រាប់អន្ទងដួងចិត្តមនុស្សម្នានឹកនាដល់ខេត្តកំពតរាល់ពេលមានបំណងធ្វើដំណើរកម្សាន្ត។
ដើម្បីលើកកម្ពស់សម្រស់កំពតឱ្យទាក់ទាញអ្នកទេសចរបានកាន់តែខ្លាំងពីលើអ្វីដែលជាផលពីធម្មជាតិបានប្រទាននោះ លោក ម៉ៅ ធនិន្ទ អភិបាលខេត្តកំពត បានយកចិត្តទុកដាក់លើការរៀបចំសណ្តាប់ធ្នាប់នៅក្នុងក្រុង សាងសង់នូវសមិទ្ធផលបន្ថែមមួយចំនួនទៀត ដូចជាការរៀបចំឆ្នេរ សេះបាញ់ទឹក កន្លែងបាញ់ទឹករាំតាមភ្លេង និងនាឡិកាយក្សជាដើម។ លោកអភិបាលខេត្ត ក៏បានរំដោះយកមាត់ព្រែកដែលត្រូវបានរំលោភយកធ្វើជាកម្មសិទ្ធិឯកជនមកធ្វើជាផ្លូវសាធារណៈ រៀបចំសណ្តាប់ធ្នាប់ឱ្យមានរបៀបរៀងរយ ញ៉ាំងឱ្យក្រុងកំពតកាន់តែមានសោភ័ណភាព។
តើ៥ឆ្នាំ ដែលលោក ម៉ៅ ធនិន្ទ ចូលទៅកាន់ខេត្តកំពត បានធ្វើអ្វីខ្លះ ដើម្បីប្រែក្លាយខេត្តកំពតក្លាយជាទីឋានមេត្រីភាពសម្រាប់ទេសចរណ៍? សូមទស្សនានូវកិច្ចសម្ភាសន៍រវាង Fresh News និងលោក ម៉ៅ ធនិន្ទ ដូចតទៅនេះ?
