(ភ្នំពេញ)៖ គណៈកម្មការទទួលបន្ទុករៀបចំការប្រឡង នៃក្រសួងទេសចរណ៍ នៅថ្ងៃទី១៣ ខែឧសភា ឆ្នាំ២០២៦នេះ បានបង្ហាញលទ្ធផលជាប់ស្ថាពរ នៃការប្រឡងមគ្គុទ្ទេសក៍ទេសចរណ៍ថ្នាក់ជាតិ ជំនាន់ទី៧ និងថ្នាក់តំបន់ភ្នំពេញ និងតំបន់ជុំវិញ ជំនាន់ទី២១ នៅសាកលវិទ្យាល័យធនធានមនុស្ស រាជធានីភ្នំពេញ។

បើតាមសេចក្ដីជូនដំណឹងរបស់ក្រសួងទេសចរណ៍, បេក្ខជន និងបេក្ខនារី ដែលទទួលបានជ័យលាភីខាងលើ អាចមកដាក់ពាក្យចូលរៀនចាប់ពីថ្ងៃចេញលទ្ធផលនេះ រហូតដល់ថ្ងៃទី៣០ ខែឧសភា ឆ្នាំ២០២៦ នៅសាកលវិទ្យាល័យធនធានមនុស្ស។ បេក្ខជន បេក្ខនារី ដែលពុំបានមកដាក់ពាក្យចូលរៀនតាមកាលបរិច្ឆេទខាងលើ គណៈកម្មការប្រឡងនឹងចាត់ទុកលទ្ធផលរបស់បេក្ខជនជាមោឃៈ។

សម្រាប់ព័ត៌មានបន្ថែម សូមទំនាក់ទំនងលេខទូរសព្ទ៖ ០៧៨ ២៦២ ៤៥៦ និង ០៩៦៦ ២៦២ ៤៥៦៕