(ភ្នំពេញ)៖ ក្រុមហ៊ុន ម៉ូរីសុនកាក់ អិមខេអេ អឌីត-អឹខោនធីង ឯ.ក ក្នុងនាមជាអ្នកជម្រះបញ្ជីរបស់ធនាគារ ព្រីនស៍ ម.ក សូមជូនដំណឹងដល់អតិថិជនឥណទាន របស់ធនាគារ ព្រីនស៍ ម.ក និងសាធារណជនទាំងអស់មេត្តាជ្រាបថា អនុលោមតាមច្បាប់ និងបទប្បញ្ញត្តិជាធរមាន ព្រមទាំងដោយមានការអនុញ្ញាតពីធនាគារជាតិនៃកម្ពុជា សិទ្ធិ និងផលប្រយោជន៍ទាំងអស់ ពាក់ព័ន្ធនឹងប្រាក់កម្ចី ដែលជាឥណទានរបស់អតិថិជនធនាគារ ព្រីនស៍ ម.ក ត្រូវបានផ្ទេរទាំងស្រុងទៅឱ្យ ធនាគារ ប្រៃសណីយ៍កម្ពុជា ក.អ ចាប់ពីថ្ងៃទី ៥ ខែឧសភា ឆ្នាំ២០២៦ តទៅ។

ក្នុងន័យនេះ សូមអតិថិជនឥណទានទាំងអស់ មេត្តាជ្រាបអំពីការអនុវត្តតាមលក្ខខណ្ឌពាក់ព័ន្ធដូចខាងក្រោម៖
១. គ្រឹះស្ថានទទួលសិទ្ធិបន្ត ៖ ធនាគារ ប្រៃសណីយ៍កម្ពុជា ក.អ គឺជាអ្នកទទួលបន្តនូវរាល់សិទ្ធិ កាតព្វកិច្ច និងអត្ថប្រយោជន៍ទាំងស្រុងលើកិច្ចសន្យាឥណទានទាំងអស់ ពី ធនាគារ ព្រីនស៍ ម.ក ស្របតាមនីតិវិធីជម្រះបញ្ជី។

២. ការទូទាត់សងប្រាក់កម្ចីឥណទាន ៖ រាល់ការទូទាត់សងប្រាក់កម្ចី (ប្រាក់ដើម និងការប្រាក់) ប្រចាំខែ ឬ សងផ្តាច់ ត្រូវអនុវត្តតាមការណែនាំរបស់ ធនាគារ ប្រៃសណីយ៍កម្ពុជា ក.អ និងអាចធ្វើឡើងតាមគ្រប់សាខារបស់ធនាគារនេះ។

៣. សុពលភាពកិច្ចសន្យា និងទ្រព្យធានា៖ រាល់លក្ខខណ្ឌនៃកិច្ចសន្យាឥណទាន និងទ្រព្យធានា (រួមទាំង ប័ណ្ណកម្មសិទ្ធិ) នៅមានសុពលភាពដដែល តាមខចែង និងលក្ខខណ្ឌដែលមានស្រាប់។ ទោះជាយ៉ាងណា សិទ្ធិក្នុងការគ្រប់គ្រង ការប្រមូលសងឥណទាន និងការបញ្ជាក់ការទូទាត់ ត្រូវស្ថិតក្រោមការចាត់ចែងរបស់ ធនាគារ ប្រៃសណីយ៍កម្ពុជា ក.អ ដែលម្ចាស់ឥណទានថ្មី។

អាស្រ័យហេតុនេះ សូមអតិថិជនឥណទាន របស់ ធនាគារ ព្រីនស៍ ម.ក និងសាធារណជនមេត្តាជ្រាប និងបន្តសហការអនុវត្តកាតព្វកិច្ចសងប្រាក់កម្ចីឱ្យបានត្រឹមត្រូវតាមកាលកំណត់។

សម្រាប់ព័ត៌មានបន្ថែមសូមទំនាក់ទំនង តាមរយៈទូរសព្ទលេខ៖ ០៧០ ២០០០០២ ឬ ១៨០០ ២០៨ ៨៨៨ (ឥតគិតថ្លៃ)៕