(ភ្នំពេញ)៖ លោក ថន កុសល្យ បានដាក់ពាក្យប្តឹងឧទ្ធរណ៍នឹងដីកាសម្រេចតម្កល់រឿងទុកឥតចាត់ការលេខ៥១០ អ.យ.ខ ចុះថ្ងៃទី២៩ ខែមេសា ឆ្នាំ២០២៦ របស់អយ្យការអមសាលាដំបូងរាជធានីភ្នំពេញ។

ក្នុងពាក្យបណ្តឹង លោក ថន កុសល្យ បានឲ្យដឹងថា អយ្យការអមសាលាដំបូងរាជធានីភ្នំពេញ បានចេញដីកាសម្រេចតម្កល់រឿងទុកឥតចាត់ការលេខ៥១០ ចុះថ្ងៃទី២៩ ខែមេសា ឆ្នាំ២០២៦។ ការសម្រេចសេចក្តីនេះ មិនមានភាពត្រឹមត្រូវ និងអយុត្តិធម៌សម្រាប់លោក ដោយសារតែ ឈ្មោះ ហេង រិទ្ធិសុបញ្ញា និងឈ្មោះ ហេង រិទ្ធិ ម៉ូនិច បានប្រគល់សិទ្ធិតំណាងដោយអាណត្តិជាដើមបណ្តឹងរដ្ឋប្បវេណីឱ្យទៅមេធាវី សុខ សេដ្ឋមករា ដើម្បី ប្តឹងលោកទៅអយ្យការអមសាលាដំបូងរាជធានីភ្នំពេញ។

លោក ថន កុសល្យ បានសំណូមពរឲ្យចោទប្រកាន់ជនសង្ស័យឈ្មោះ ហេង វិទ្ធិសុបញ្ញា និងជនសង្ស័យឈ្មោះ ហេង រិទ្ធិម៉ូនិច ពីបទបរិហារបង្កាច់កេរ្តិ៍ឲ្យធ្ងន់ តាមមាត្រា៣១១ មាត្រា៣១២ នៃក្រមព្រហ្មទណ្ឌ៕

ខាងក្រោមនេះជាបណ្តឹងរបស់លោក ថន កុសល្យ៖