(កំពង់ធំ)៖ លោក គៀង សេងគី ប្រធានក្រុមប្រឹក្សាឃុំ ស្រុកសន្ទុក ខេត្តកំពង់ធំ បានបញ្ជាក់ប្រាប់អ្នកសារព័ត៌មាន Fresh News ប្រចាំខេត្តកំពង់ធំ នាថ្ងៃទី១៥ ខែឧសភា ឆ្នាំ២០២៦ថា ឃុំត្បូងក្រពើ មានសេវាសង្គមសំខាន់ៗចំនួនពីរ ដែលដើរតួនាទីយ៉ាងសំខាន់ក្នុងការលើកកម្ពស់គុណភាពជីវិតរបស់ប្រជាពលរដ្ឋ គឺសេវាផ្នែកសុខាភិបាល និងសេវាផ្នែកអប់រំ។

លោកស្រីមេឃុំ បានបន្តថា សេវាសុខាភិបាលបានផ្តល់ការថែទាំសុខភាពដល់ប្រជាពលរដ្ឋយ៉ាងទៀងទាត់ តាមរយៈមណ្ឌលសុខភាព និងការចូលរួមរបស់បុគ្គលិកវេជ្ជសាស្ត្រ ដែលជួយកាត់បន្ថយជំងឺ និងលើកកម្ពស់សុខុមាលភាព ប្រជាពលរដ្ឋ។ ខណៈពេលដែលសេវាអប់រំ បានផ្តល់ឱកាសឱ្យកុមារ និងយុវជនទទួលបានចំណេះដឹង និងជំនាញគ្រឹះសម្រាប់អនាគត។

ប្រជាពលរដ្ឋនៅឃុំត្បូងក្រពើ បានបង្ហាញអារម្មណ៍សប្បាយរីករាយ និងអំណរគុណយ៉ាងខ្លាំង ចំពោះការទទួលបានសេវាសង្គមសំខាន់ៗពីរ គឺសេវាផ្នែកសុខាភិបាល និងសេវាផ្នែកអប់រំ ដែលកំពុងត្រូវបានអភិវឌ្ឍ និងផ្តល់ជូនយ៉ាងមានប្រសិទ្ធភាព។

ជារួមលោក គៀង សេងគី បានគូសបញ្ជាក់ថា ការអភិវឌ្ឍសេវាទាំងពីរនេះ គឺជាគន្លឹះសំខាន់ក្នុងការកសាងសង្គមមានការរីកចម្រើន និងប្រជាពលរដ្ឋមានជីវភាពប្រសើរឡើង៕