(ភ្នំពេញ)៖ លោក សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) តំណាងលោក ម៉ី វ៉ាន់ រដ្ឋលេខាធិការ ក្រសួងសេដ្ឋកិច្ចនិងហិរញ្ញវត្ថុ និងជាអគ្គលេខាធិការ នៃអគ្គលេខាធិការដ្ឋាន អាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) នៅថ្ងៃទី១៥ ខែឧសភា ឆ្នាំ២០២៦ បានអញ្ជើញជាអធិបតីបើកកម្មវិធីសិក្ខាសាលាផ្សព្វផ្សាយ យុទ្ធសាស្រ្តអភិវឌ្ឍន៍វិស័យហិរញ្ញវត្ថុ ២០២៥-២០៣០ ផ្នែកវិស័យហិរញ្ញវត្ថុមិនមែនធនាគារ។

សិក្ខាសាលានេះ បានរៀបចំឡើងក្នុងគោលបំណងផ្សព្វផ្សាយយុទ្ធសាស្ត្រអភិវឌ្ឍន៍វិស័យហិរញ្ញវត្ថុ ២០២៥-២០៣០ ឱ្យបានទូលំទូលាយដល់ក្រសួង-ស្ថាប័នពាក់ព័ន្ធ ទាំងថ្នាក់ជាតិ និងថ្នាក់ក្រោមជាតិ។ ជាមួយគ្នានេះ កម្មវិធីសិក្ខាសាលា ក៏មានការអញ្ជើញចូលរួមធ្វើបទបង្ហាញពីតំណាងនិយ័តករ-អង្គភាពក្រោមឱវាទ អ.ស.ហ. ពីវិស័យរៀងៗខ្លួនផងដែរ។

កម្មវិធីសិក្ខាសាលានេះ មានការអញ្ជើញចូលរួមពីតំណាងថ្នាក់ដឹកនាំ និងមន្រ្តីជំនាញនៃនិយ័តករ-អង្គភាពក្រោមឱវាទ អ.ស.ហ., តំណាងក្រសួង-ស្ថាប័នពាក់ព័ន្ធ និងតំណាងរដ្ឋបាលថ្នាក់ក្រោមជាតិ ផងដែរ៕