(សៀមរាប)៖ អាជ្ញាធរជាតិអប្សរា នឹងអនុវត្តគម្រោងជួសជុលរចនាសម្ព័ន្ធច្រាំងកសិន្ទុខាងលិច ផ្នែកខាងក្នុង ចំហៀងខាងជើងនៃប្រាសាទអង្គរវត្ត ចាប់ពីថ្ងៃទី២០ ខែឧសភា ឆ្នាំ២០២៦ តទៅ។ នេះបើតាមសេចក្តីជូនដំណឹង ស្តីពី ការបិទបណ្តោះអាសន្នច្រកចេញ-ចូលផ្លូវដំរីខាងជើងនៃប្រាសាទអង្គរវត្ត។

ក្នុងន័យនេះ អាជ្ញាធរជាតិអប្សរា នឹងធ្វើការបិទបណ្តោះអាសន្ន ច្រកចេញ-ចូលផ្លូវដំរីខាងជើងនៃប្រាសាទអង្គរវត្ត ដើម្បីអនុញ្ញាតឱ្យក្រុមការងារបច្ចេកទេសអនុវត្តការងារ ជួលជុលដោយរលូន និងធានាសុវត្ថិភាពដល់ភ្ញៀវទេសចរ ដូចមានផែនទីជូនភ្ជាប់មកជាមួយ ចាប់ពីកាលបរិច្ឆេទខាងលើរហូតដល់ចប់ភារកិច្ច។

សេចក្តីដូចបានជម្រាបជូនខាងលើ សូមក្រសួង ស្ថាប័នជាតិ-អន្តរជាតិ អាជ្ញាធរដែនដី មន្ទីរ-អង្គភាព សមាគមទីភ្នាក់ងារទេសចរណ៍ សមាគមមគ្គុទ្ទេសក៍ទេសចរណ៍ សមាគមដឹកជញ្ជូនភ្ញៀវទេសចរ ក្រុមហ៊ុន ទេសចរណ៍ ភ្ញៀវទេសចរជាតិ-អន្តរជាតិ និងសាធារណជនទាំងអស់មេត្តាជ្រាបជាព័ត៌មាន៕