(ភ្នំពេញ)៖ លោក ជាម សុជាតិ គ្រូបង្រៀននៅពុទ្ធិកសាកលវិទ្យាល័យព្រះសីហមុនីរាជា (PSBU) បានមានអាការៈក្តុកក្តួលយ៉ាងខ្លាំង ពេលរំលឹកសម្តីកូនសិស្សជានាយទាហាន ហើយសង្ឃឹមថា ពលរដ្ឋខ្មែរមិនភ្លេចទង្វើឈ្លានពានរបស់ថៃលើកម្ពុជា។

កូនទាហាននោះនិយាយថា «លោកគ្រូមិនបាច់ទៅសមរភូមិទេ ទុកឲ្យខ្ញុំអ្នកទៅ។ លោកគ្រូទុកខួរក្បាលបណ្តុះអ្នកបន្តវេនចុះ»។

ពាក្យនេះនាំឲ្យ លោក ជាម សុជាតិ អួលដើមក និងនៅតែក្តុកក្តួលពេលលោករំលឹក នាព្រឹកថ្ងៃទី ១៨ ខែឧសភា ឆ្នាំ២០២៦ ក្នុងឱកាសលោក សុខ សប្បាយណា សមាជិកគណៈអចិន្ត្រៃយ៍នៃគណៈកម្មាធិការកណ្តាល ស.ស.យ.ក ដឹកនាំកិច្ចប្រជុំជាមួយក្រុមអន្តរសាសនា ដើម្បីផ្តល់ព័ត៌មានស្តីពីការរៀបចំកម្មវិធី «ដាស់ស្មារតីជាតិ» នៅមជ្ឈមណ្ឌលម៉ានី អគារ The Kampus ។

កិច្ចប្រជុំនេះមានគោលបំណង ផ្សព្វផ្សាយជូនថ្នាក់ដឹកនាំអន្តរសាសនា អំពីព្រឹត្តិការណ៍ «ដាស់ស្មារតីជាតិ» ដែល ស.ស.យ.ក. គ្រោងរៀបចំនៅពេលខាងមុខ ដើម្បីឱ្យជនបង្គោលទាំងអស់ធ្វើការផ្សព្វផ្សាយបន្ត និងបំផុសសមាជិក សមាជិការបស់ខ្លួនឱ្យចូលរួមប្រកបដោយស្មារតីស្វាហាប់ និងមោះមុត៕

ខាងក្រោមនេះជាវិដេអូ៖