(កំពង់ឆ្នាំង)៖ បុណ្យផ្កាប្រាក់សាមគ្គី ដើម្បីប្រមូលថវិកាធ្វើរបងសាលាបឋមសិក្សាស្វាយរំពារ បានបិទបញ្ចប់ដោយរលូននៅថ្ងៃទី១៨ ខែឧសភា ឆ្នាំ២០២៦ និងទទួលបានថវិកា សរុបចំនួន ៣ ៧០០ ៨០០ រៀលគត់។ សាលានៅតែទទួលថវិកាចូលបុណ្យ ដើម្បីយកថវិកាធ្វើរបងសាលា។

អ្នកគ្រូ ភឹម ភារ៉ូ ជំនួសមុខឲ្យលោកគ្រូ អ្នកគ្រូ និងសិស្សានុសិស្សទាំងអស់ក្នុងសាលាបឋមសិក្សាស្វាយរំពារ បានថ្លែងអំណរព្រះគុណ និងអរគុណយ៉ាងជ្រាលជ្រៅដល់ព្រះសង្ឃគ្រប់ព្រះអង្គ គណៈកម្មការសាលារៀន (គគស) គណៈកម្មការថ្នាក់រៀន (គគថ) និងមាតាបិតាសិស្ស ព្រមទាំងសប្បុរសជននានា ដែលបានចូលរួមជាថវិកា និងកម្លាំងកាយចិត្ត ក្នុងថ្ងៃបុណ្យផ្កាប្រាក់សាមគ្គីនេះ។

សប្បុរសជនដែលមានបំណងចូលបុណ្យ សូមទំនាក់ទំនងលេខទូរសព្ទតំណាងសាលា +855 10 678 848 ៕