(ភ្នំពេញ)៖ លោក សេង លឹមនៅ ទីប្រឹក្សារាជរដ្ឋាភិបាល រួមទាំងកូនចៅ កំពុងមានទុក្ខជាទម្ងន់ដោយលោកស្រី អ៉ឹង ស៊ីវប៊ុន ត្រូវជាភរិយា ម្តាយបង្កើត ម្តាយក្មេក ជីដូន បានទទួលមរណភាព នៅថ្ងៃអង្គារ៍ ទី១៩ ខែឧសភា ឆ្នាំ២០២៦ វេលាម៉ោង៦:៤៨នាទីព្រឹក ក្នុងជន្មាយុ ៨១ឆ្នាំ ដោយរោគាពាធ។

កម្មវិធីបុណ្យ៧ថ្ងៃ និង ១០០ថ្ងៃ នឹងរៀបចំនៅថ្ងៃអាទិត្យ ទី ២៤ ខែឧសភា ឆ្នាំ២០២៦ វេលាម៉ោង ២:០០រសៀល ជួបជុំញាតិមិត្តជិតឆ្ងាយ ព្រមទាំងពុទ្ធបរិស័ទ្ធទាំងអស់ រៀបចំធ្វើ កិច្ចនមស្សការ ព្រះរតនត្រ័យ និមន្តព្រះសង្ឃចំរើនព្រះបរិត្ត និងសំដែងធម៌ទេសនា។ លុះដល់វេលាម៉ោង ៤:០០ នាទីរសៀល ទទួលបដិសណ្ឋាកិច្ចភ្ញៀវកិត្តិយសពិសាភោជនាហា ។

លុះព្រឹកឡើងថ្ងៃ ច័ន្ទ ទី ២៥ ខែ ឧសភា វេលាម៉ោង ៧:០០ព្រឹក ប្រគេនយាគូដល់ព្រះសង្ឃ ដល់វេលាម៉ោង ៩:០០ នាទីព្រឹក រៀបចំធ្វើពិធីរាប់បាត្រ និមន្ត ព្រះសង្ឃបង្សុកូល ដារឆ្លង និងវេរភត្តាហារប្រគេនទេយ្យវត្ថុដល់ព្រះសង្ឃជាកិច្ចបង្ហើយ នៃកម្មវិធីបុណ្យ។

សេចក្តីជូនដំណឹងខាងលើនេះ ចាក់ទុកជាការអញ្ជើញ ឯកឧត្តម លោកជំទាវ ញ្ញាតិមិត្តជិតឆ្ងាយ ដើម្បីចូលរួមបុណ្យសព និងរំលែកទុក្ខជាមួយគ្រួសារសពតាមការគួរ សពត្រូវបានតម្កល់ធ្វើបុណ្យ នៅគេហដ្ឋានលេខ១៨ ផ្លូវ០៥ ក្នុងបុរីអង្គភ្នំពេញ៕