(ព្រះសីហនុ)៖ ដោយអនុវត្តតាមអនុសាសន៍ដឹកនាំដ៏ម៉ឺងមាត់របស់នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលណែនាំជាប្រចាំរបស់ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ នៅថ្ងៃទី១៩ ខែឧសភា ឆ្នាំ២០២៦ កម្លាំងជំនាញ នៃការិយាល័យនគរបាលចរាចរណ៍ ផ្លូវគោក បានសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់លេខ៤ តំណាងចៅសង្កាត់ និងតំណាងមន្ទីរសាធារណការ និងដឹកជញ្ជូនខេត្ត ចុះផ្សព្វផ្សាយ គោលនយោបាយ ភូមិ ឃុំ មានសុវត្ថិភាព និងច្បាប់ស្តីពីចរាចរណ៍ផ្លូវគោក ដល់ក្រុមដឹកជញ្ជូនម្ហូបអាហារ Grab Food ចំនួន៤០នាក់ ស្រី៤នាក់ ស្ថិតនៅភូមិ៣ សង្កាត់លេខ៤ ក្រុង-ខេត្តព្រះសីហនុ។

ខ្លឹមសារដែលបានផ្សព្វផ្សាយរួមមាន លក្ខណៈសម្បត្តិ ភូមិ ឃុំ មានសុវត្ថិភាព ទាំង៧ចំណុច, សុវត្ថិភាពក្នុងការបើកបរយានយន្តលើដងផ្លូវ, គុណសម្បត្តិនៃការពាក់មួកសុវត្ថិភាព, ការគោរពច្បាប់ចរាចរណ៍ផ្លូវគោក មិនបើកបរបញ្ច្រាស់ទិសចរាចរណ៍ មិនវ៉ាជែងក្នុងស្ថានភាពគ្រោះថ្នាក់ គោរពផ្លាកសញ្ញា-ភ្លើងសញ្ញាចរាចរណ៍ មិនបើកបរមានល្បឿនលឿន និងជៀសវាងពីការប្រើប្រាស់គ្រឿងញៀនជាដាច់ខាត៕