(កណ្តាល)៖ កម្លាំងអធិការដ្ឋាននគរបាលក្រុងតាខ្មៅ បានឃាត់ខ្លួនជនសង្ស័យ៣នាក់ ពាក់ព័ន្ធករណីចែកចាយគ្រឿងញៀន ក្នុងនោះ២នាក់ជាមុខសញ្ញាចាស់ធ្លាប់ជាប់ពន្ធនាគារ។ ការឃាត់ខ្លួននេះបានធ្វើឡើងនៅថ្ងៃទី១៨ ខែឧសភា ឆ្នាំ២០២៦ នៅបន្ទប់ជួលភូមិថ្មី១ សង្កាត់តាខ្មៅ ក្រុងតាខ្មៅ ​ខេត្តកណ្ដាល។

លោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ បានឲ្យដឹងថា ជនសង្ស័យទី១៖ឈ្មោះ យ័ន្ត សុធាពិសិដ្ឋ អាយុ៣៤ឆ្នាំ ធ្លាប់ជាប់ពន្ធនាគារខេត្តកណ្តាល ចំនួន១លើក រយៈ​ពេល១ឆ្នាំ ពីបទ រក្សាទុកដោយខុសច្បាប់នូវសារធាតុញៀន, ទី២៖ឈ្មោះ ម៉ី ចិត្រា អាយុ៤១ឆ្នាំ ធ្លាប់ជាប់ពន្ធនាគារខេត្តកណ្តាល ចំនួន១លើក រយៈពេល២ឆ្នាំ ពី​បទរក្សាទុកដោយខុសច្បាប់នូវសារធាតុញៀន, ទី៣៖ឈ្មោះ ជា សុធារ៉ា អាយុ២៩ឆ្នាំ។

វត្ថុតាងចាប់យក ម្សៅក្រាមព៌ណសថ្លា (ម៉ាទឹកកក) ចំនួន៩កញ្ចប់, ទូរស័ព្ទដៃចំនួន១គ្រឿង, កូនកាបូបពណ៌ខ្មៅចំនួន១, ឧបករណ៍សម្រាប់ជក់ថ្នាំញៀនចំនួន១, ដែកកេះចំនួន១ និងខ្សៀសម្រាប់ជក់ថ្នាំញៀន ចំនួន៣។

បច្ចុប្បន្នជនសង្ស័យ និងវត្ថុតាងបានបញ្ជូនមកផ្នែកជំនាញ នៃអធិការដ្ឋាននគរបាលក្រុងតាខ្មៅ ដើម្បីកសាងសំណុំរឿងចាត់ការតាមនីតិវិធី៕