(ត្បូងឃ្មុំ)៖ អ្នកនាំពាក្យកងរាជអាវុធហត្ថលើផ្ទៃប្រទេស បានបញ្ជាក់ថា បុគ្គលឈ្មោះ ជា វិនឡុង ដែលមានភិនភាគ ដូចការចុះផ្សាយក្នុងបណ្ដាញព័ត៌មានសង្គមនេះ ត្រូវបានកងរាជអាវុធហត្ថ ស្នើសុំលុបឈ្មោះចេញពីបញ្ជីគ្រប់គ្រង កាលពីថ្ងៃទី១៧ ខែកុម្ភៈ ឆ្នាំ២០២៦ ដោយសារយោធិននៃកងរាជអាវុធហត្ថរូបនេះ សេរីបាត់មុខពីអង្គភាព។

យោងសេចក្តីសម្រេចលេខ០០៨/២០២៦ លឈ. ចុះថ្ងៃទី៤ ខែមីនា ឆ្នាំ២០២៦ ស្តីពីការលុបឈ្មោះយោធិនចេញពីក្របខ័ណ្ឌកងយោធពលខេមរភូមិន្ទ ព្រឹន្ទបាលទោ ជា វិនឡុង ត្រូវបានលុបឈ្មោះចេញពីក្របខ័ណ្ឌ។

អ្នកនាំពាក្យកងរាជអាវុធហត្ថលើផ្ទៃប្រទេស បានបន្ថែមទៀតថា ជំនាញមន្ត្រីនគរបាលយុត្តិធម៌ នៃកងរាជអាវុធហត្ថខេត្តត្បូងឃ្មុំ បាននិងកំពុងធ្វើការស្រាវជ្រាវស៊ើបអង្កេតករណីនេះ តាមនីតិវិធី៕