(ភ្នំពេញ)៖ កម្លាំងគណៈបញ្ជាការឯកភាពរាជធានីភ្នំពេញ នៅថ្ងៃទី២៥ ខែឧសភា ឆ្នាំ២០២៦ បានបន្តចុះធ្វើរដ្ឋបាលនៅតាមអគារមួយចំនួនដែលសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams)។

ប្រតិបត្តិការនេះធ្វើឡើក្រោយការបញ្ជារដឹកនាំដោយលោក ឃួង ស្រេង អភិបាលរាជធានីភ្នំពេញ, លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ ភ្លាមៗគណៈបញ្ជាការឯកភាពខណ្ឌទាំង១៤ ធ្វើការចុះត្រួតពិនិត្យរដ្ឋបាលជនបរទេស ក្នុងមូលដ្ឋានខណ្ឌរៀងខ្លួន និងបានរកឃើញដូចខាងក្រោម៖

*ទីតាំងទី១ ផ្លូវ១៩២៨ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ បានរកឃើញជនជាតិចិន ៣២នាក់ (គ្មានលិខិតឆ្លងដែន១៧នាក់, សង្ស័យលិខិតឆ្លងដែនក្លែងក្លាយ០១នាក់) ជនជាតិម៉ាឡេស៊ី ០១នាក់។

តាមការសន្និដ្ឋានជនបរទេសទាំង ៣៣នាក់ រត់ពួនអំឡុងពេលសមត្ថកិច្ចចុះត្រួតពិនិត្យ (មិនសហការជាមួយសមត្ថកិច្ច និង ស្នាក់នៅដោយខុសច្បាប់)។

*ទីតាំងទី២ ខុនដូរ SKY TREE អគារA, B, C ស្ថិតនៅសង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ។ បានរកឃើញជនជាតិចិន ៣១នាក់ ពាក់ព័ន្ធបទល្មើស (Online Scams) ខុសច្បាប់ ក្រោមរូបភាពអូសទាញវិនិយោគខុសច្បាប់។

សម្ភារៈដកហូតបានរួមមាន៖ កុំព្យូទ័រ All IN ONE សរុប ០៤គ្រឿង, កុំព្យូទ័រយួដៃ Laptop សរុប ២១គ្រឿង, ទូរស័ព្ទដៃ ចំនួន ១០៤គ្រឿង, លិខិតឆ្លងដែនសញ្ជាតិ ០៩ក្បាល។ សន្និដ្ឋានពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា (Online Scams) បានរកឃើញជនជាតិចិន ១៦នាក់, ជនជាតិចិនតៃវ៉ាន់ ០១នាក់, ជនជាតិស្រីលង្កា​ ០៩នាក់ (ស្រី០៤នាក់), ជនជាតិឥណ្ឌា ០១នាក់, ជនជាតិប៉ាគីស្ថាន ០៤នាក់ (ស្រី០១នាក់) ស្នាក់នៅដោយខុសច្បាប់ និងលើសទិដ្ឋាការ។

*ទីតាំងទី៣ ផ្ទះលេខ៧៧ ផ្លូវS-02 បុរីប៉េងហួត ភូមិស្វាយតាអុក សង្កាត់វាលស្បូង ខណ្ឌច្បារអំពៅ រាជធានីភ្នំពេញ។ បានរកឃើញជនជាតចិន ចំនួន ២០នាក់ (គ្មានលិខិតឆ្លដែនចំនួន១០នាក់) ជាទីតាំង ជនបរទេសប្រមូលផ្តុំស្នាក់នៅដោយខុសច្បាប់។

នៅក្នុងប្រតិបត្តិការនេះសមត្ថកិច្ចបានរកឃើញជនបរទេសដែលជាប់ពាក់ព័ន្ធនឹងបទល្មើសឆកបបោកតាមប្រព័ន្ធបច្ចេកវិទ្យា (Online Scams) ចំនួន ៣១នាក់។

សម្ភារៈវត្ថុតាងសង្ស័យប្រព្រឹត្តបទល្មើស និងជនសង្ស័យជាជនបរទេសទាំងអស់ខាងលើ ត្រូវប្រគល់ជូនស្នងការដ្ឋាននគរបាលរាជធានីភ្នំពេញ ដើម្បីអនុវត្តនីតិវិធីបន្ត៕