(ភ្នំពេញ)៖ នៅថ្ងៃទី២១ ខែមេសា ឆ្នាំ២០២៦ លោក លឹម ជរហ៊ួ បានជូនដំណឹងទាមទារឱ្យក្រុមហ៊ុន CHEAN CHHOENG THAI GROUP CO.,LTD សងប្រាក់ថ្លៃទិញ-លក់ ចំនួន USD ៧៩.២៩៦,១៤(ប្រាំពីរម៉ឺនប្រាំបួនពាន់ពីររយកៅសិបប្រាំមួយដុល្លារអាម៉េរិក និងដប់បួនសេន) ត្រឡប់មកវិញក្រោយលោកបានរំលាយកិច្ចសន្យាទិញ-លក់ ដោយសារក្រុមហ៊ុនបានបំពានសិទ្ធិ និងពុំបានអនុវត្តកាតព្វកិច្ចប្រគល់ចំណែកឯកជនមកឱ្យ លោក លឹម ជរហ៊ួ នៅថ្ងៃទី៣០ ខែមិថុនា ឆ្នាំ២០២៥ នោះទេ។

មកទល់បច្ចុប្បន្ននេះ ក្រុមហ៊ុនតែងតែគេចវេស មិនទទួលខុសត្រូវ និងមិនអនុវត្តកាតព្វកិច្ចប្រគល់ប្រាក់ថ្លៃទិញ-លក់ចំណែកឯកជន ចំនួន USD ៧៩.២៩៦,១៤(ប្រាំពីរម៉ឺនប្រាំបួនពាន់ពីររយកៅសិបប្រាំមួយដុល្លារអាម៉េរិក និងដប់បួនសេន) មកឱ្យ លោក លឹម ជរហ៊ួ វិញនោះទេទោះបីជា លោក លឹម ជរហ៊ួ បានព្យាយាមទាកទងដោះស្រាយដោយសន្ដិវិធីច្រើនលើកច្រើនសារក៏ដោយ។

លោក លឹម ជរហ៊ួ ទាមទារឱ្យក្រុមហ៊ុនអនុវត្តកាតព្វកិច្ចប្រគល់ប្រាក់ថ្លៃទិញ-លក់ចំណែកឯកជនរបស់ខ្លួនស្របតាមច្បាប់ បើពុំនោះទេ លោកនឹងអនុវត្តសិទ្ធិទាមទារតាមផ្លូវច្បាប់ ហើយបន្ទុកចំណាយ សេវា សោហ៊ុយបន្ថែមផ្សេងៗ នឹងក្លាយជាបន្ទុករបស់ក្រុមហ៊ុនបន្ថែមទៀត៕