(ក្រចេះ)៖ លោក គង់ គឹមនី អភិបាលខេត្តមណ្ឌលគិរី បានអញ្ជើញដឹកនាំគណៈប្រតិភូថ្នាក់ដឹកនាំខេត្ត គោរពវិញ្ញាណក្ខន្ធ និងចូលរួមរំលែកទុក្ខពិធីបុណ្យគំរប់ខួប៧ថ្ងៃ ឧទ្ទិសកុសលជូនដល់វិញ្ញាណក្ខន្ធឧបាសក ស្វាយ ខុន ត្រូវជាឪពុកក្មេករបស់លោក ហង្ស ចាន់ឌី អភិបាលរងខេត្តក្រចេះ នាល្ងាចថ្ងៃទី៣០ ខែឧសភា ឆ្នាំ២០២៦ នៅគេហដ្ឋាន សង្កាត់ក្រចេះ ក្រុងក្រចេះ ខេត្តក្រចេះ។

កាយវិការដ៏ខ្ពង់ខ្ពស់របស់ថ្នាក់ដឹកនាំខេត្តមណ្ឌលគិរី ក្នុងការធ្វើដំណើរមកចូលរួមរំលែកទុក្ខដោយផ្ទាល់ដល់ខេត្តក្រចេះ ឆ្លុះបញ្ចាំងពីសាមគ្គីភាព ភាពស្និទ្ធស្នាល និងការផ្តល់កិត្តិយសយ៉ាងធំធេងចំពោះ លោក ហង្ស ចាន់ឌី ក៏ដូចជាក្រុមគ្រួសារនៃសពទាំងមូល ក្នុងគ្រាដ៏ក្រៀមក្រំនេ ចំពោះការបាត់បង់ឧបាសក ស្វាយ ខុន គឺជាការបាត់បង់នូវអតីតមន្ត្រីរាជការជាន់ខ្ពស់មួយរូប ដែលបានរួមចំណែកយ៉ាងសកម្មក្នុងកិច្ចការងារវប្បធម៌ និងការអភិវឌ្ឍមូលដ្ឋានក្នុងខេត្តក្រចេះ សូមបួងសួងឱ្យវិញ្ញាណក្ខន្ធរបស់ឧបាសក ស្វាយ ខុន បានទៅកាន់សុគតិភពកុំបីឃ្លាតឡើយ។

សូមបញ្ជាក់ថា ឧបាសក ស្វាយ ខុន បានទទួលមរណភាព នាថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦ វេលាម៉ោង១១៖៥០នាទី ថ្ងៃត្រង់ ក្នុងជន្មាយុ៨៤ឆ្នាំ ដោយរោគាពាធ។ ឧបាសក ស្វាយ ខុន អតីតប្រធានមន្ទីរវប្បធម៌ និងវិចិត្រសិល្បៈ ខេត្តក្រចេះ ក្រោយមកជាសមាជិកក្រុមប្រឹក្សាក្រុងក្រចេះ ចំនួន២អាណត្តិ៕