(កំពង់ចាម)៖ លោក យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី និងអាជ្ញាធរខេត្តកំពង់ចាម នៅថ្ងៃទី៣១ ខែឧសភា ឆ្នាំ២០២៦នេះ បានចុះពិនិត្យរៀបចំទីតាំង ស្ថិតក្នុងភូមិតាំងគោក ឃុំល្វា ស្រុកព្រៃឈរ ដើម្បីប្រារព្ធពិធីសម្ពោធដាក់ឲ្យប្រើប្រាស់ជាផ្លូវការ ផ្លូវជាតិលេខ៧ ជា៤គន្លងចាប់ពីរង្វង់មូលស្គន់ ដល់រង្វង់មូលស្ពានគីហ្សូណា ក្រុងកំពង់ចាម ឆាប់ៗខាងមុខនេះ។

តាមមន្ត្រីរដ្ឋបាលខេត្តកំពង់ចាម បានបញ្ជាក់ថា គម្រោងលើកកម្ពស់កម្រិតគុណភាពផ្លូវជាតិលេខ៧ មានប្រវែងសរុបប្រមាណ ៤៥គីឡូម៉ែត្រ ចាប់ពីរង្វង់មូលស្គន់ ដល់រង្វង់មូលស្ពានគីហ្សូណា ក្រុងកំពង់ចាម ក្រោមឥណទានសម្បទានពីរដ្ឋាភិបាលចិន ត្រូវបានចាប់ផ្ដើមដំណើរការ នៅឆ្នាំ២០២៣ និងបានស្ថាបនារួចរាល់ក្នុងឆ្នាំ២០២៦នេះ៕