(ស្វាយរៀង)៖ កម្លាំងគណៈបញ្ជាការឯកភាពក្រុងបាវិត និងស្រុកកំពង់រោទិ៍ ខេត្តស្វាយរៀង បានចុះ ធ្វើ រដ្ឋ បាល ស្រាវជ្រាវ និងបង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams) ចំនួន ៤ ទីតាំងនិតឃាត់ខ្លួនជនសង្ស័យចំនួន ៧៨នាក់ រួមនឹងវត្ថុតាងមួយចំនួនធំ។

ប្រតិបត្តិការនេះដោយអនុវត្តតាមបទបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិ និងលោក ប៉េង ពោធិ៍សា អភិបាលខេត្តស្វាយរៀង ស្តីពីការអនុវត្តយុទ្ធនាការបង្ក្រាបបទល្មើស Online Scmas នៅទូទាំងខេត្តស្វាយរៀង។

កាលថ្ងៃទី៤ ខែ មិថុនា ឆ្នាំ ២០២៦ កម្លាំងគណៈបញ្ជាការឯកភាពរដ្ឋបាលក្រុងបាវិត និងស្រុក កំពង់រោទិ៍ សហការ ជាមួយ កម្លាំង នាយកដ្ឋាន ព្រហ្ម ទណ្ឌ ក្រសួង មហាផ្ទៃ ដោយមានការសម្របសម្រួលពីលោក ខាំ សុផារី ព្រះរាជអាជ្ញា នៃ អយ្យការ អមសាលាដំបូងខេត្ត ចុះ ធ្វើ រដ្ឋ បាល ស្រាវជ្រាវ និងបង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams) ចំនួន ៤ទីតាំង នៅ ក្រុង បាវិត ចំនួន ២ទីតាំង និង ស្រុក កំពង់រោទិ៍ ចំនួន ២ទីតាំង ដោយ ឃាត់ ខ្លួន មនុស្ស ក្នុង រង្វង់ ប្រតិបត្តិការ ចំនួន ៧៨នាក់ ស្រី ០៧នាក់ (ជនជាតិ ចិន ៥៩នាក់ ស្រី ១នាក់ , ជនជាតិ វៀតណាម ១៩នាក់ ស្រី ៦នាក់)។

ប្រតិបត្តិការនេះសមត្ថកិច្ចដកហូតសម្ភារៈពាក់ព័ន្ធនឹងបទល្មើសរួមមាន៖ កំព្យូទ័រលើតុ All-In-One, កុំព្យូទ័រ យួរដៃ , ម៉ូនី ទ័រ , ធុង CPU ,រថយន្ត , ទូរស័ព្ទដៃ និងសម្ភារប្រើប្រាស់មួយចំនួនទៀត។

បច្ចុប្បន្នជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធីច្បាប់ រីឯ ទីតាំង ប្រព្រឹត្តិ បទ ល្មើស បានក្រុមការ ងារបិទ សៀ និងបិទ ទីតាំង បណ្ដោះអាសន្ន ៕