(ភ្នំពេញ)៖ ក្លឹបយុវជនកាកបាទក្រហម ប្រចាំសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នៅថ្ងៃទី៦ ខែមិថុនា ឆ្នាំ២០២៦ បានរៀបចំពិធីចែកបណ្ណសរសើរ និងវិញ្ញាបនបត្របញ្ជាក់ការសិក្សាជូនអតីតយុវជន និងយុវជនកាកបាទក្រហមកម្ពុជា។

ពិធីនេះ រៀបចំឡើងក្រោមអធិបតី លោក រឿត សុខុន នាយករង នាយកដ្ឋានធនធានមនុស្ស នៃកាកបាទក្រហមកម្ពុជាថ្នាក់កណ្ដាល, លោក ថោង ចន្ត្រា សាកលវិទ្យាធិការរង តំណាង លោក លុយ ចណ្ណា សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច, លោក គុន ជនបូម៉ី ប្រធានក្លឹបយុវជនកាកបាទក្រហមប្រចាំសាកលវិទ្យាល័យភូមិន្ទនីតិសាស្ត្រ, អតីតយុវជន និងយុវជនកាកបាទក្រហមកម្ពុជាជាច្រើនរូប។

ជាកិច្ចចាប់ផ្ដើម លោក គុន ជនបូម៉ី បានរាយការណ៍ពីវឌ្ឍនភាព និងសកម្មភាពកន្លងមករបស់ក្លឹប ដែលបានបង្កើតឡើងតាំងពីឆ្នាំ២០១០ ជូនគណៈអធិបតី និងអង្គពិធីទាំងមូល។

ក្នុងនាមក្លឹបយុវជនកាកបាទក្រហម, លោក បានធ្វើការប្ដេជ្ញាចិត្តយ៉ាងមុតមាំ ក្នុងដំណើរបេសកកម្មមនុស្សធម៌ សកម្មភាពមិត្តអប់រំមិត្ត មិត្តជួយមិត្ត ដើម្បីក្លាយជាមូលធនមនុស្សប្រកបដោយសក្ដានុពលពេញលេញ។

ជាមួយគ្នានោះ លោក ថោង ចន្ត្រា បានថ្លែងកោតសសើរចំពោះលោកប្រធានក្លឹប ដែលបានដឹកនាំយុវជន ចូលរួមសកម្មភាពសង្គមយ៉ាងសកម្មដូចភ្លៀងរលឹម។

លោក ក៏បានមានប្រសាសន៍ថា ថ្នាក់ដឹកនាំនៃាសាកលវិទ្យាល័យ ជាពិសេសលោកសាកលវិទ្យាធិការ តែងតែយកចិត្តទុកដាក់ជានិច្ចជាមួយក្លឹបយុវជន។ លោក ក៏បានលើកទឹកចិត្តយុវជនដែលបម្រុងនឹងក្លាយខ្លួនជាសមាជិកក្លឹប ត្រូវនាឱកាសនោះ លោក រឿត សុខុន បានថ្លែងថា ការងារស្ម័គ្រចិត្ត ជាស្ពានចម្លងយុវជនទៅកាន់សង្គមកាន់តែទូលំទូលាយ ការតភ្ជាប់ទំនាក់ទំនងជាមួយមនុស្សថ្មីៗ និងអាចផ្ដល់អាទិភាពខ្ពស់ក្នុងឱកាសការងារនានា ទាំងរដ្ឋនិងឯកជន។

លោក បានណែនាំយុវជន ត្រូវអនុវត្តឱ្យបានខ្ជាប់ខ្ជួនរក្សាអនាម័យ បង្ការជម្ងឺឆ្លង និងមិនឆ្លង ជាពិសេសចូលរួមគោរពច្បាប់ចរាចរណ៍ទាំងអស់គ្នា៕