(ភ្នំពេញ)៖ អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា បន្ទាប់ពីរាជរដ្ឋាភិបាលកម្ពុជា បានដាក់ឱ្យអនុវត្តកម្មវិធីបណ្តុះបណ្តាលជំនាញ TVET ១.៥លាននាក់ គិតមកដល់ត្រីមាសទី១ ឆ្នាំ២០២៦នេះ បានបណ្តុះបណ្តាលកម្លាំងពលកម្មជំនាញបានប្រមាណជាង២៧ម៉ឺននាក់ ដើម្បីបំពេញតម្រូវការរបស់វិនិយោគិនទាំងក្នុង និងក្រៅស្រុក។

ថ្លែងក្នុងសន្និសិទស្ដីពី ការត្រៀមរៀបចំកម្មវិធី «TVET-Day» លើកទី៩ ឆ្នាំ២០២៦ នៅទីស្ដីការក្រសួងការងារ និងបណ្តុះបណ្តាលវិជ្ជាជីវៈនៅថ្ងៃទី០៨ ខែមិថុនា ឆ្នាំ២០២៦ថឲ លោក ស៊ុន មេសា អ្នកនាំពាក្យក្រសួងការងារបានគូសបញ្ជាក់ថា កម្មវិធីបណ្តុះបណ្តាលជំនាញ TVET ១,៥លាននាក់ បានដើរតួនាទីយ៉ាងសំខាន់ ក្នុងការបណ្តុះបណ្តាលជំនាញបច្ចេកទេសដល់កម្លាំងពលកម្មនៅកម្ពុជា ដោយចាប់ពីដើមឆ្នាំ២០២៤ មកដល់ត្រីមាសទី១ ឆ្នាំ២០២៦នេះ ប្រជាពលរដ្ឋប្រមាណជាង២៧ម៉ឺននាក់បានទទួលការបណ្តុះបណ្តាល ដែលជាចំនួនដ៏ធំមួយហើយក្នុងនោះ ប្រមាណ៨០% ទទួលបានឱកាសការងារ ខណៈមួយចំនួនទៀតបានបង្កើតមុខរបរដោយខ្លួនឯង។

លោកបានកត់សម្គាល់ថា សមត្ថភាពរបស់ពួកគាត់ពិតជាបានឆ្លើយតបទៅនឹងតម្រូវការរបស់ម្ចាស់រោងចក្រ សហគ្រាស និងទីផ្សារការងារនៅកម្ពុជាជាពិសេសប្រជាពលរដ្ឋដែលមកពីគ្រួសារក្រីក្រ និងងាយរងគ្រោះត្រូវបានយកចិត្តទុកដាក់យ៉ាងខ្លាំង។

សូមស្តាប់ការលើកឡើងបន្ថែម របស់ លោក ស៊ុនមេសា៖