(ភ្នំពេញ)៖ ដោយអនុវត្តតាមបទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងស្នងការដ្ឋាននគរបាលរាជធានីភ្នំពេញ បានស្រាវជ្រាវធ្វើការឃាត់ខ្លួនជនសង្ស័យចំនួន១០នាក់ ពាក់ព័ន្ធករណីហិង្សាដោយចេតនា ដោយមានស្ថានទម្ងន់ទោស (វាយទៅលើជនរងគ្រោះ និងតបតជាមួយសមត្ថកិច្ច) នៅចំណុចបុរីសូនី សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ វេលាម៉ោងប្រហែល០២៖៣០នាទីយប់ ថ្ងៃទី៧ ខែមិថុនា ឆ្នាំ២០២៦។

ប្រតិបត្តិការនេះ ដោយកម្លាំងការិយាល័យនគរបាលព្រហ្មទណ្ឌកម្រិតស្រាល ដឹកនាំដោយលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ លោកឧត្តមសេនីយ៍ទោ លី ប៊ុនអេង ស្នងការរងទទួលការិយាល័យនគរបាលព្រហ្មទណ្ឌកម្រិតស្រាល និងលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល។

ជនសង្ស័យចំនួន១០នាក់រួមមាន ទី១៖ឈ្មោះ នី ឆាយតិច ហៅ អាពេជ្រ អាយុ១៨ឆ្នាំ, ទី២៖ឈ្មោះ គីម ចន្ទ័ដេវិដ ហៅអាវិត អាយុ១៨ឆ្នាំ, ទី៣៖ឈ្មោះ សឺង ពុទ្ធិវង្ស ហៅអាវង្ស អាយុ១៨ឆ្នាំ, ទី៤៖ឈ្មោះសឿន សាវុធ ហៅ អាវុធ អាយុ១៨ឆ្នាំ, ទី៥៖ឈ្មោះ ហេង ប៉េងហ៊ា ហៅអាប៉េងហ៊ា អាយុ១៦ឆ្នាំ, ទី៦ឈ្មោះ កែវ ស៊ូផេង ហៅអាផេង អាយុ១៦ឆ្នាំ, ទី៧៖ឈ្មោះ រ៉ុន រតនៈ ហៅអាមិញ អាយុ១៦ឆ្នាំ, ទី៨៖ឈ្មោះ រ៉ុន វេហា ហៅអាយូ អាយុ១៦ឆ្នាំ, ទី៩៖ឈ្មោះ យ៉ុន យ៉ុងអុី ហៅអាយ៉ុង អាយុ១៦ឆ្នាំ និង១០៖ឈ្មោះ រ៊ី ប៊ុនណារ៉េន ហៅរ៉ែន អាយុ១៦ឆ្នាំ។

វត្ថុតាងចាប់យក ដងឆត្រ័ធ្វើសកម្មភាព៣ដើម, ដែកទីបជ្រុង ចំនួន១ជ្រុង។ បច្ចុប្បន្នជនសង្ស័យខាងលើ និងវត្ថុតាង កម្លាំងជំនាញព្រហ្មទណ្ឌបានកសាងសំណុំរឿងចាត់ការតាមនីតិវិធី៕