(បន្ទាយមានជ័យ)៖ យោងតាម លោក ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ នៅល្ងាចថ្ងៃទី៩ ខែមិថុនា ឆ្នាំ២០២៦ បានឱ្យដឹងថា សហគមន៍កសិកម្មទំនើបមាន់ស្រែ ក្នុងតំបន់ជំរំជនភៀសសឹកស្ថិតនៅភូមិរង់ចាំ ឃុំស្លក្រាម ស្រុកស្វាយចេក ខេត្តបន្ទាយមានជ័យ ត្រូវបានបង្កើតឡើងជាផ្លូវការ ជាមួយសមាជិក ៦០០គ្រួសារដំបូង។

អ្នកនាំពាក្យរូបនេះ បានបញ្ជាក់ដូច្នេះថា «សហគមន៍មាន់ស្រែដ៏ថ្មីស្រឡាងមួយនេះ មានសមាជិកចុះឈ្មោះក្នុងជំហានដំបូងចំនួនជាង៦០០គ្រួសារ ដោយរំពឹងទុកថា ចំនួននេះនឹងកើនឡើងដល់១០០០ពាន់គ្រួសារ នៅពេលដែលការចុះឈ្មោះត្រូវបានបញ្ចប់នាពេលខាងមុខ»។

ដើម្បីជួយស្តារជីវភាពដល់បងប្អូនពលរដ្ឋភៀសសឹកជុំដំបូង ការគាំទ្រពីគម្រោងរបស់ក្រសួងកសិកម្ម រុក្ខាប្រមាញ់ និងនេសាទ រួមមាន៖

*ទ្រុងចិញ្ចឹមមាន់ស្តង់ដាចំនួន១

*ពូជកូនមាន់ស្រែអាយុ២១ថ្ងៃចំនួន ១០០ក្បាល

*ការគាំទ្រវ៉ាក់សាំងការពារជំងឺ

*ចំណីសម្រាប់ចិញ្ចឹមមាន់មួយវគ្គដំបូង

*ការបណ្តុះបណ្តាលបច្ចេកទេស និងការចុះតាមដានជាប់ជាប្រចាំ

*ការធានាទិញយកវិញពេលប្រមូលផលក្នុងតម្លៃសមរម្យ៕