(កំពង់ស្ពឺ)៖ លោក តាប់ ម៉ាឡៃ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកំពង់ស្ពឺ នៅព្រឹកថ្ងៃចន្ទ ទី៨ ខែមិថុនា ឆ្នាំ២០២៦ បានអញ្ជើញចែកបណ្ណកម្មសិទ្ធិជូនអតិថិជនរបស់ គម្រោង ឡេង ណាវ៉ាត្រា ផ្លូវជាតិលេខ៥១ ដែលស្ថិតនៅភូមិស្តុកស្អាត និងភូមិត្រពាំងពោធិ៍ ឃុំភ្នំតូច ស្រុកសាមគ្គីមុនីជ័យ ខេត្តកំពង់ស្ពឺ ដំណាក់កាលទី១ ចំនួន ១ ០៤៤បណ្ណ ជូនអតិថិជនដែលបានបង់ប្រាក់គ្រប់ចំនួន១០០% នៅមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកំពង់ស្ពឺ។

គួររំឮកថា ក្រសួងរៀបចំដែនដី នគរូបនីយកម្ម និងសំណង់ កាលថ្ងៃទី០២ ខែមិថុនា ឆ្នាំ២០២៦ បានចេញសេចក្តីប្រកាសព័ត៌មាន អំពីការប្រគល់វិញ្ញាបនបត្រសម្គាល់ម្ចាស់អចលនវត្ថុ ដំណាក់កាលទី១ ចំនួន ១ ០៤៤បណ្ណ ជូនអតិថិជន គម្រោងឡេង ណាវ៉ាត្រា ផ្លូវជាតិលេខ៥១ ខេត្តកំពង់ស្ពឺ ចាប់ពីថ្ងៃទី៨ ដល់ថ្ងៃទី១៩ ខែមិថុនា ឆ្នាំ២០២៦ រៀងរាល់ម៉ោងធ្វើការ។

សូមលោក លោកស្រី អញ្ជើញមកទទួលបណ្ណកម្មសិទ្ធិ ដោយបំពេញលក្ខខណ្ឌដូចខាងក្រោម៖

*១៖ អតិថិជនដែលជាម្ចាស់កម្មសិទ្ធិ ត្រូវអញ្ជើញមកដោយផ្ទាល់ ក្នុងករណីជាទ្រព្យរួមប្តីប្រពន្ធ សូមអញ្ជើញមកទាំងពីរនាក់ប្តីនិងប្រពន្ធ។
*២. សូមភ្ជាប់មកជាមួយនូវបង្កាន់ដៃទទួលពាក្យស្នើសុំផ្ទេរកម្មសិទ្ធិ (ច្បាប់ដើម) និងឯកសាររណប ផ្សេងទៀតដែលអតិថិជននៅខ្លះ ក្នុងពេលដាក់ពាក្យស្នើសុំចុះបញ្ជីផ្ទេរកម្មសិទ្ធិ កន្លងមក។
*ទីតាំង នៅមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកំពង់ស្ពឺ៕