សមាជិកថ្មីនៃក្រុមប្រឹក្សាកិច្ចការរដ្ឋចិន ស្បថចូលកាន់តំណែងតាមរដ្ឋធម្មនុញ្ញនៅចំពោះមុខលោក Li Qiang នាយករដ្ឋមន្ត្រីចិន
10-06-2026 17:32
(ប៉េកាំង)៖ ថ្ងៃទី៩ ខែមិថុនា ក្រុមប្រឹក្សាកិច្ចការរដ្ឋចិនបានរៀបចំពិធីស្បថចូលកាន់តំណែងរបស់សមាជិកថ្មីតាមរដ្ឋធម្មនុញ្ញ សមាជិកចំនួន៣៧រូបដែលមកពីក្រសួង-ស្ថាប័នចំនួន៣៣នដែលត្រូវបានតែងតាំងដោយក្រុមប្រឹក្សាកិច្ចការរដ្ឋចិនបានស្បថចូលកាន់តំណែងនៅចំពោះមុខលោកLi Qiangនាយករដ្ឋមន្ត្រីចិន។
បន្ទាប់ពីពិធីស្បថចូលកាន់តំណែង លោកLi Qiangបានថ្លែងសុន្ទរកថា ដោយលើកឡើងថា ការចូលកាន់តំណែងជាអ្នកដឹកនាំថ្មីនិងបំពេញបេសកកម្មថ្មី ត្រូវតែពង្រឹងមនោគមវិជ្ជាខាងនយោបាយ ពង្រឹងសមត្ថភាពនិងឥរិយាបថការងារ ត្រូវតែនាំមុខក្នុងការគោរពច្បាប់ ការពារកិត្យានភាពនៃរដ្ឋធម្មនុញ្ញនិងបំពេញតួនាទីតាមច្បាប់ ត្រូវតឹងរ៉ឹងចំពោះខ្លួនឯង មានភាពស្មោះត្រង់ក្នុងការងារ និងរក្សាចរិតនយោបាយដ៏ស្អាតស្អំនិងស្មោះត្រង់៕
វិទ្យុមិត្តភាពកម្ពុជាចិន
