(បាត់ដំបង)៖ លោក សុខ លូ អភិបាល នៃគណៈអភិបាលខេត្តបាត់ដំបង បានប្រាប់អង្គភាពសារព័ត៌មាន Fresh News ពីគម្រោងអភិវឌ្ឍហេដ្ឋារចនាសម្ព័ន្ធក្រុងបាត់ដំបង ឱ្យក្លាយជាគោលដៅទេសចរណ៍ផ្សារភ្ជាប់វប្បធម៌ដ៏សំខាន់មួយនៅកម្ពុជា។

សម្ដេចតេជោ អតីតនាយករដ្ឋមន្ត្រី និងបន្តមកកាន់សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានចក្ខុវិស័យចង់ឃើញការអភិវឌ្ឍហេដ្ឋារចនាសម្ព័ន្ធគ្រប់ច្រកល្ហក ការរៀបចំតំបន់រមនីយដ្ឋានធម្មជាតិឱ្យបានស្អាត ដើម្បីទាក់ទាញភ្ញៀវទេសចរណ៍ជាតិ និងអន្តរជាតិមកលេងកម្សាន្ត ដែលនឹងចូលរួមចំណែកផ្ដល់ចំណូលបន្ថែមដល់ប្រជាសហគមន៍។

លោក សុខ លូ បានបង្ហើបពីគម្រោងកែប្រែតំបន់ផ្ទះបុរាណជាង ៨០០ខ្នង ជាតំបន់ Pub Street, គម្រោងរៀបចំសង្កែ Walk Street ដែលនឹងដំណើរការនាពេលខាងមុខ។

លោក ក៏បានអំពាវនាវដល់ប្រជាពលរដ្ឋចូលរួមជាមួយគ្នា ដើម្បីរៀបចំហេដ្ឋារចនាសម្ព័ន្ធឱ្យបានរៀបរយ សំដៅទាក់ទាញភ្ញៀវទេសចរកាន់តែច្រើនថែមទៀត៕