គ្រូជំនាញនៃមជ្ឈមណ្ឌលវាយតម្លៃសមត្ថភាព ជំរុញឱ្យពលករខ្មែរ ត្រឡប់ពីថៃដែលមានជំនាញស្រាប់ មកធ្វើតេស្តសមត្ថភាពដើម្បីទទួលបានវិញ្ញាបនបត្រ ងាយស្រួលរការងារធ្វើ ទទួលបានប្រាក់ខែខ្ពស់ (Video inside)
11-06-2026 17:16
(ភ្នំពេញ)៖ លោក មុត សុភ័ក្រ្ភ អនុប្រធានដឺប៉ាត់តឺម៉ង់ផែនការស្រាវជ្រាវស្ថិតិ នៃវិទ្យាស្ថាន បណ្តុះបណ្តាល បច្ចេកទេស បានជំរុញនិងលេីកទឹកចិត្តឱ្យពលករខ្មែរ ត្រឡប់ពីថៃដែលមានជំនាញស្រាប់ មកធ្វើតេស្តសមត្ថភាព ដើម្បីទទួលបានវិញ្ញាបនបត្រ ងាយស្រួលរការងារធ្វើ ទទួលបានប្រាក់ខែខ្ពស់។
លោក មុត សុភ័ក្រ្ភ បានបញ្ជាក់ថា ដោយយោងតាមអនុសាសន៍របស់សម្ដេចបវរធិបតី ហ៊ុន ម៉ាណែត បានជំរុញពលករដែលជាអតីតពលករមកពីប្រទេសថៃ ដែលមានជំនាញស្រាប់ មកប្រឡង តេស្តសមត្ថភាព ដើម្បីប្រែក្លាយអ្វីដែលជាជំនាញរបស់គាត់ទៅជាសមត្ថភាពពិត ហើ់យសាលានឹងចេញជាវិញ្ញាបនប័ត្រ ដែលអាចយកទៅប្រើប្រាស់ឱ្យចំជំនាញគាត់តែម្ដង។
លោកថា សម្រាប់អត្ថប្រយោជន៍នៅពេលដែលគាត់ទទួលបានវិញ្ញាបនប័ត្រ គឺគាត់អាចទទួលបានប្រាក់កម្រៃខ្ពស់ និងមានការងារមានលំនឹង។
បន្ថែមពីនេះ លោក មុត សុភ័ក្រ្ភ បានបន្ដថា នីតិវិធីសម្រាប់បងប្អូនពលករ ដែលមានបំណងចង់មកចុះឈ្មោះ មកប្រឡងធ្វើតេស្ដនេះ គឺមានពីរលក្ខខណ្ឌ អាចចុះឈ្មោះតាមវេបសាយ ឬតាមអេបរបស់ក្រសួង ដែលហៅថា ERPL ឬអាចតេតាមរយៈប្រព័ន្ធ ហតឡាញរបស់ក្រសួង ១២៩៧។ ហើយក៏សូមអំពាវនាវបងប្អូនពលករ មកមជ្ឈមណ្ឌល ហើយខាងសាលាស្វាគមន៍ជានិច្ច និងមានក្រុមការងារចាំជួយសម្រួលផងដែរ៕
សូមទស្សនាវីដេអូដូចខាងក្រោម៖
