(ភ្នំពេញ)៖ នៅខណៈពេលដែលកម្ពុជាកំពុងដំណើរការយន្តការផ្សះផ្សាដោយបង្ខំ ស្របតាមច្បាប់សមុទ្រ ឬ UNCLOS លោកបណ្ឌិត មាស បូរ៉ា អ្នកស្រាវជ្រាវច្បាប់អន្តរជាតិ បានបង្ហាញឲ្យដឹងអំពីគុណតម្លៃនៃ UNCLOS ដែលមានដូចជា៖ សិទ្ធិទទួលបានតំបន់សមុទ្រដែនដី១២ម៉ាល, សិទ្ធិឆ្លងកាត់ដោយគ្មានការបង្កបញ្ហា (inn ocent passage) តាមសមុទ្រដែនដី..., ការបណ្តុះបណ្តាលធនធានមនុស្ស និងជំនួយអភិវឌ្ឍសមុទ្រ, អាចចាត់តាំងប្រជាពលរដ្ឋខ្មែរ ជាចៅក្រមតុលាការសមុទ្រ ឬជាមជ្ឈត្តករ។ ទទួលបានជំនួយបច្ចេកទេស ពិសេសសម្រាប់ប្រទេសកំពុងអភិវឌ្ឍន៍ (មាត្រា១៤៤)។

ជាងនេះទៅយន្តការដោះស្រាយជម្លោះ តាមយន្តការផ្សះផ្សាដោយបង្ខំនេះមិនអាចទៅរួចនោះទេ ប្រសិនជាកម្ពុជាមិនបានចូលជាភាគី UNCLOS។ ជាងនេះទៅទៀតគឺទទួលបានផលលាភពីការអភិវឌ្ឍតំបន់បាតសមុទ្រជ្រៅ (សម្រាប់គ្រប់ប្រទេស) ស្របតាមមាត្រា១៤០ នៃ UNCLOS និងផលទាញបានពីការអភិវឌ្ឍក្នុងតំបន់ហួស២០០ម៉ាល។ នេះជាការបញ្ជាក់ពីលោកបណ្ឌិត មាស បូរ៉ា។

អ្នកស្រាវជ្រាវរូបនេះ បានបញ្ជាក់ទៀត កាតព្វកិច្ច SDGs លេខ១៤ ជីវិតក្រោមសមុទ្រ (Blue Economy) ក៏ជាគុណសម្បត្តិមួយទៀត ដែលកម្ពុជាក្នុងនាមជាភាគីទទួលយក UNCLOS អាចទទួលបានដែរ។ ក្នុងនាមអ្នកស្រាវជ្រាវច្បាប់អន្តរជាតិ លោកបណ្ឌិត មាស បូរ៉ា​ យល់ឃើញថា សមុទ្រ ដូចជាដែនដី ដែលផ្តល់ប្រយោជន៍ច្រើន ដូចនេះ ដើម្បីចូលរួមអនុវត្ត UNCLOS ត្រូវការច្បាប់ ធនធានមនុស្ស និងឆន្ទះស្រឡាញ់សមុទ្រ ផ្តោតលើសមុទ្រ ការពារបរិស្ថាន អភិវឌ្ឍសមុទ្រ ដោយចេរភាព និងតាមច្បាប់ជាធរមាន។

ជាបន្តដើម្បីជ្រាបកាន់តែច្បាស់ សូមទស្សនិកជនទស្សនាកិច្ចពិភាក្សាបន្តដូចតទៅ៖