(កំពុងស្ពឺ)៖ ដោយមានការចង្អុលបង្ហាញដោយសមាណធម៌ ដ៏ប៉ិនប្រសព្វ ដោយផ្ទាល់ពីឧបនាយករដ្ឋមន្ត្រី ហ៊ុន ម៉ានី ប្រធានកិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ឯកឧត្តម លេង ផាលី សមាជិកគណ:អចិន្ត្រៃយ៍ គណ:កម្មាធិការកណ្ដាលសហភាពសហព័ន្ធយុវជនកម្ពុជា និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានដឹកនាំក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន ៨៣៧នាក់ ស្រី ៤០៥នាក់ និងនាំយកអំណោយថ្នាំពេទ្យដ៏ថ្លៃថ្លា រួមនិងកាចុះផ្សព្វផ្សាយអប់រំសុខភាព វគ្គសង្គ្រោះបឋម និងពិនិត្យព្យាបាលជំងឺ ចែកឱសថ ផ្តល់សេវា រួមទាំងស្បៀងអាហារមានជានំប៉័ង និងទឹកសុទ្ធ ជូនប្រជាពលរដ្ឋដោយឥតគិតថ្លៃ បានចំនួន ១៥៦៦៩នាក់ ស្រី ១០៧១៨នាក់ (លើសផែនការគ្រោងទុកចំនួន ៥ដង)នៅវិទ្យាល័យ ហ៊ុន សែន ភ្នំស្រួច ឃុំតាំងស្យា ស្រុកភ្នំស្រួច ខេត្តកំពង់ស្ពឺ។

ការពិគ្រោះជំងឺរួមមាន៖ ជំងឺទូទៅ អប់រំសុខភាព ជំងឺផ្លូវចិត្ត ជំងឺទូទៅផ្នែកកុមារ ជំងឺរោគស្ត្រី ជំងឺឬដូងបាត ជំងឺសួត ក្រពះ ពោះវៀន ជំងឺផ្លូវដង្ហើម ជំងឺប្រដាប់រំលាយអាហារ ជំងឺសើស្បែក ជំងឺព្រូន ជំងឺស្លេកស្លាំង ជំងឺសន្លាក់ឆ្អឹង ជំងឺរលាកថ្លើម ជំងឺកាមរោគ ជំងឺគ្រុនចាញ់ ជំងឺគ្រុនឈាម ជំងឺភ្នែក សុខភាពមាត់ធ្មេញ ជំងឺទឹកនោមផ្អែម ជំងឺបេះដូង លើសឈាម ជំងឺត្រចៀក ច្រមុះ បំពង់ក ជំងឺកម្រងនោម អេកូសាស្ត្រ ម៉ាស៊ីនផ្លុំរកមេរោគក្រពះតាមរយះខ្យល់ដង្ហើម វាស់ចង្វាក់បេះដូង មន្ទីរពិសោធន៍(វិភាគឈាម) វះកាត់តូចនិងព្យាបាលរបួស និងមានចែកវ៉ែនតាចំនួន ១២០០ …។ល។

កម្មពិធីនេះមានការចូលរួមពី លោកបណ្ឌិត សួស គង់ ប្រធានក្រុមការងារចុះមូលដ្ឋានស្រុកភ្នំស្រួច តំណាងដ៏ខ្ពង់ខ្ពស់ ឧបនាយករដ្ឋមន្ត្រី ហ៊ុន ម៉ានី ប្រធានក្រុមការងារចុះមូលដ្ឋានខេត្តកំពង់ស្ពឺ ជាប្រធានសហភាពសហព័ន្ធយុវជនកម្ពុជា និងជាប្រធានកិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ។ ដោយសហការជាមួយ រដ្ឋបាលខេត្តកំពង់ស្ពឺ ដឹកនាំដោយ លោក កង ប៊ុនណាត អភិបាលស្រុកភ្នំស្រួចស្តីទី តំណាង លោកបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ, លោកវេជ្ជបណ្ឌិត ហុក គ្រី អនុប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ទទួលបន្ទុកប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ខេត្តកំពង់ស្ពឺ និងជាប្រធានមន្ទីរសុខាភិបាល ខេត្តកំពង់ស្ពឺ មន្ទីរជុំវិញខេត្ត កងកម្លាំងទាំង៣ ក្រុមការងាររាជរដ្ឋាភិបាលចុះមូលដ្ឋានស្រុកភ្នំស្រួច និងអាជ្ញាធរ ឃុំ-ស្រុក-ខេត្តដែលពាក់ព័ន្ធ សហភាពសហព័ន្ធយុវជនកម្ពុជាខេត្ត សាខាសកម្មជនក្រុមការងារយុវជនរាជធានីភ្នំពេញ ក្រុមកាយរិទ្ធិកម្ពុជា កាកបាតក្រហមកម្ពុជា និងក្រុមការងារ ។​​ មានការចូលរួមពី ក្រុមការងារគ្រូពេទ្យស័្មគ្រចិត្ត ឯកឧត្តម ហ៊ុន ម៉ានី ប្រចាំសាកលវិទ្យាល័យវិទ្យាសាស្រ្តសុខាភិបាល ដឹកនាំដោយ លោកវេជ្ជបណ្ឌិត ឡេង វេងសែ តំណាងលោកសាស្រ្តាចារ្យ សាផុន វឌ្ឍនៈ ទីប្រឹក្សាក្រសួងសុខាភិបាល សាកលវិទ្យាធិការ នៃសាកលវិទ្យាល័យវិទ្យាសាស្រ្តសុខាភិបាល ជាអនុប្រធានប្រតិបត្តិក្រុមការងារគ្រូពេទ្យស័្មគ្រចិត្ត ឯកឧត្តម ហ៊ុន ម៉ានី ជាប្រធានប្រតិបត្តិក្រុមការងារគ្រូពេទ្យស័្មគ្រចិត្ត ឯកឧត្តម ហ៊ុន ម៉ានី ប្រចាំសាកលវិទ្យាល័យវិទ្យាសាស្រ្តសុខាភិបាល និងជាសមាជិកគណៈកម្មាធិការកណ្តាលសហភាពសហព័ន្ធយុវជនកម្ពុជា ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ប្រចាំសាកលវិទ្យាល័យចេនឡា ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ប្រចាំសាលាមធ្យមសិក្សាសុខាភិបាលភូមិភាគកំពត ដឹកនាំដោយ លោកសាស្ត្រាចារ្យ មិន ជាតិ អនុប្រធានប្រតិបត្តិក្រុមការងារគ្រូពេទ្យស័្មគ្រចិត្ត ឯកឧត្តម ហ៊ុន ម៉ានី ទទួលបន្ទុកប្រធានប្រតិបត្តិក្រុមការងារគ្រូពេទ្យស័្មគ្រចិត្ត ឯកឧត្តម ហ៊ុន ម៉ានី ប្រចាំសាលាមធ្យមសិក្សាសុខាភិបាលភូមិភាគកំពត និងជានាយកសាលាមធ្យម​​សិក្សាសុខាភិបាលភូមិភាគកំពត ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ប្រចាំខេត្តតាកែវ ខេត្តកណ្តាល ខេត្តកំពត ខេត្តកោះកុង ព្រមទាំង ឯកឧត្តម លោកជំទាវ លោក លោកស្រី អនុប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ក្រុមប្រឹក្សាស្រុក មន្ត្រីរាជការ ឃុំទាំង១៣ លោកគ្រូអ្នកគ្រូ និងសិស្សានុសិស្ស សរុបប្រមាណចំនួន២០.០០០នាក់(២ម៉ឺននាក់) ។

លោក កង ប៊ុនណាត អភិបាលស្រុកភ្នំស្រួចស្តីទី តំណាង លោកបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តកំពង់ស្ពឺ មានមតិមតិស្វារគមន៍ និងបានថ្លែងអំណរគុណ និងកោតសរសើរវាយតម្លៃខ្ពស់ ឯកឧត្តមឧបនាយករដ្ឋមន្ត្រី ហ៊ុន ម៉ានី និងក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដែលមានគ្រូពេទ្យមានបទពិសោធន៍ល្អៗក្នុងនិងក្រៅប្រទេស មានឧបករណ៍ទំនើប របៀបរបបធ្វើការល្អមានគុណភាព ថែមទាំងបានលះបង់ទាំងធនធានមនុស្ស ធនធានហិរញ្ញវត្ថុ និងពេលវេលា ដើម្បីជួយដល់ប្រជាពលរដ្ឋជាតិ និងមាតុភូមិរបស់យើងដោយមិនខ្លាចពីការនឿយហត់ឡើយ ។ ជាពិសេសមានការគាំទ្រដល់ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី យ៉ាងខ្លាំងពីប្រជាពលរដ្ឋជាប្រវត្តិសាស្ត្រ។

លោកបណ្ឌិត សួស គង់ ប្រធានក្រុមការងារចុះមូលដ្ឋានស្រុកភ្នំស្រួច បានថ្លែងអំណរគុណ និងកោតសរសើរវាយតម្លៃខ្ពស់ដល់ ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដែលបានលះបង់ខ្ពស់ក្នុងការផ្សព្វផ្សាយអប់រំសុខភាព វគ្គសង្គ្រោះបឋម និងពិនិត្យព្យាបាលជំងឺ ចែកឱសថ ផ្តល់សេវាជូនប្រជាពលរដ្ឋដោយឥតគិតថ្លៃ នៅវិទ្យាល័យ ហ៊ុន សែន ភ្នំស្រួច ឃុំតាំងស្យា ស្រុកភ្នំស្រួច ខេត្តកំពង់ស្ពឺ នេះ។

សូមជម្រាបថា ក្នុងនាមជានីតិបុគ្គល នៃក្រុមគ្រួសារស.ស.យ.ក. ក្រុមគ្រូពេទ្យស្ម័គ្រចិត្ត​ឯកឧត្តម ហ៊ុន ម៉ានី បានចូលរួមចំណែកក្នុងចលនារួមរបស់សង្គមជាតិ ដោយរួបរួមជាមួយ​សកម្មភាព​សង្គមរបស់ស.ស.យ.ក. បន្ថែម​ទៀត។ គូសបញ្ជាក់ផងដែរថា តាមរយៈការលះបង់នេះ បានសរបញ្ជាក់ពី ស្មារតី ២ ធ្នូ ដោយ សមាជិក សមាជិកា ស.ស.យ.ក. សមាជិក សមាជិកា ក្រុមការងារក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី មកពីប្រភព មានតួនាទី និងមុខងារផ្សេងៗ មករួមគ្នា ដាក់ផលប្រយោជន៍​ផ្ទាល់​ខ្លួន​ដោយឡែក មកធ្វើការងារ​ជាក្រុម ដើម្បីសម្រេចគោលដៅរួមមួយ សម្រាប់ប្រទេសជាតិ និងផ្តល់ជាគម្រូដល់​សង្គមជាតិ។

គួរបញ្ជាក់ផងដែរ ការចូលរួមសកម្មភាពបម្រើសង្គម រៀនសូត្របន្ថែមនៅមូលដ្ឋានជាក់ស្តែង និងចូលរួម​ចំណែក​លើកកម្ពស់សុខមាលភាពប្រជាជន ដែលស្របតាមគោលដៅអភិវឌ្ឍន៍ប្រកបដោយចីរភាព របស់​រាជរដ្ឋាភិបាលនៃព្រះរាជាណាចក្រកម្ពុជា អណត្តិទី៧ ដែលមាន សម្តេចមហាបវរធិបតី ហ៊ុន ម៉ាណែត ជាប្រមុខដឹកនាំ ។

ជាមួយគ្នានោះដែរ លោក លេង ផាលី សមាជិកគណៈអចិន្ត្រៃយ៍គណៈកម្មាធិការកណ្តាលសហភាពសហព័ន្ធយុវជនកម្ពុជា និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី បានមានចំណាប់អារម្មណ៍ អំពីសកម្មភាពរបស់ ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ក្នុងពេលកន្លងមក។

លោកបន្តថា «ក្នុងរយៈពេល ១៤ឆ្នាំមកនេះ គិតពីថ្ងៃទី (០២ ធ្នូ ឆ្នាំ២០១២ ដល់ ៧ មិថុនា ឆ្នាំ២០២៦) ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី មានសមាជិក សមាជិកាចំនួន ៣៦ ០០០នាក់ (បីម៉ឺនប្រាំមួយពាន់ នាក់) ក្នុងនោះស្ត្រីមានចំនួន ២៣ ៦៣៥នាក់ (ពីរម៉ឺន បីពាន់ ប្រាំមួយរយ សាមសិបប្រាំ នាក់) ដែលមាន ២៩ សាខា (ក្នុងនោះមានចំនួន ២៥ រាជធានី- ខេត្ត សាខា និង ៤សាខាតាមសាកលវិទ្យាល័យ) ក្រោម​ការ​ដឹកនាំចង្អុលបង្ហាញយ៉ាងប៉ិនប្រសព្វនិង​ដោយផ្ទាល់​របស់ ឯកឧត្តម ឧបនាយករដ្ឋមន្ត្រី ហ៊ុន ម៉ានី ប្រធានកិត្តិយសក្រុមការងារគ្រូពេទ្យ​ស្ម័គ្រចិត្ត​​ឯកឧត្តម ហ៊ុន ម៉ានី និងដឹកនាំសម្របសម្រួល​ដោយ ឯកឧត្តម លេង ផាលី រដ្ឋលេខាធិការក្រសួងផែនការ ជាសមាជិកគណ:អចិន្ត្រៃយ៍គណ:កម្មាធិការ​កណ្ដាលសហភាពសហព័ន្ធ​យុវជន​កម្ពុជា​ ​និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្ត​ឯកឧត្តម ហ៊ុន ម៉ានី ព្រមទាំងក្រោមកិច្ចសហការល្អ របស់សាខាសកម្មជន​ក្រុមការងារយុវជនរាជធានីភ្នំពេញ សហភាពសហព័ន្ធយុវជនកម្ពុជា យុវជនកាកបាទ​ក្រហមកម្ពុជា យុវជន​កាយរិទ្ធិកម្ពុជា ក្រុមការងាររាជរដ្ឋាភិបាល​ចុះជួយរាជធានី ខេត្ត មន្ទីរសុខាភិបាលខេត្ត និងអាជ្ញាធរមូលដ្ឋានគ្រប់ជាន់ថ្នាក់ ក្រុមការងារគ្រូពេទ្យស្ម័គ្រ​ចិត្ត ឯកឧត្តម ហ៊ុន ម៉ានី បានបំពេញ​បេសកកម្ម​ដ៏ថ្លៃថ្លា​និងទទួលបានសមិទ្ធផលប្រកបដោយប្រសិទ្ធភាព និង ប្រសិទ្ធផលជាច្រើនឥតគណនា ក្នុងការចូលរួម​ចាក់វ៉ាក់សាំងបង្កាកូវីដ-១៩ ក្នុងក្របខណ្ឌទូទាំងប្រទេស ផ្សព្វផ្សាយ​អប់រំសុខភាព បណ្តុះបណ្តាល​វគ្គសង្គ្រោះបឋម ការប្រមូលយក​សំណាក​រកវីរុសកូវីដ-១៩ និងពិនិត្យព្យាបាលជំងឺជូន​ប្រជាពលរដ្ឋ​ដោយឥតគិតថ្លៃ ក្នុង ២៥ ​រាជធានី-ខេត្ត នៃ​ព្រះរាជា​ណា​ចក្រ​កម្ពុជា ជាសរុបយើងផ្តល់សេវាបានចំនួន ២៥៨៨លើក​​ មានប្រជាពលរដ្ឋ​ចូលរួមចំនួន ចំនួន ១៣,៦៥៤,៤៩៥នាក់ (ដប់បីលាន ហុកសិបប្រាំម៉ឺន បួនពាន់ បួនរយ កៅសិបប្រាំ នាក់) ក្នុងនោះស្ត្រីមានចំនួន ៧,០៤០,៩៣១នាក់ (ប្រាំពីរលាន បួនម៉ឺន ​ប្រាំបួនរយ សាមសិបមួយនាក់) គិតត្រឹម ថ្ងៃទី៧ ខែមិថុនា ឆ្នាំ ២០២៦ ច្រើនជាង ៣ ភាគ ៤ នៃប្រជាជនសរុបទូទាំង​ប្រទេស​ដែលមានចំនួន ១៧.៧០៤.០៩០នាក់ (ដប់ប្រាំពីរលាន ចិតសិបម៉ឺន បួនពាន់ កៅសិប នាក់) ធៀបនឹងឆ្នាំ២០២៦ បើគិតសេវាជាមធ្យម ប្រជាពលរដ្ឋក្នុងម្នាក់ ចំណាយអស់ ៥០ដុល្លារ សរុបត្រូវចំណាយ​ទាំងអស់ប្រហែល ៦៨២,៧២៤,៧៥០ដុល្លារ (ប្រាំមួយរយ​ប៉ែតសិបពីរលាន ចិតសិបពីរម៉ឺន​ បួនពាន់ ប្រាំពីររយហាសិប​ដុល្លារសហរដ្ឋអាមេរិក)។សម្រាប់ការពិនិត្យព្យាបាលជំងឺជូនប្រជាពលរដ្ឋដោយ ក្រុមការងារគ្រូពេទ្យ​​ស្មគ្រ័ចិត្ត​ឯកឧត្តម ហ៊ុន ម៉ានី ក្នុងរយៈពេល ១៤ឆ្នាំនេះ។ ក្នុងពេលកន្លងមកនេះ ក្រុមការងារគ្រូពេទ្យ​ស្មគ្រ័ចិត្ត​ឯកឧត្តម ហ៊ុន ម៉ានី ចំនួន ៤,៦០១នាក់ បានចុះ​បេសកកម្ម​តាម​ការឧទ្ទេសនាម​របស់​គណៈកម្មកាចំពោះកិច្ចចាក់វ៉ាក់សាំងបង្ការរជំងឺកូវីដ-១៩ ដោយឥតគិតថ្លៃ និងដោយ​ស្ម័គ្រចិត្ត​ឥតគិត​ថវិកាបេសកកម្ម ដោយចាក់ជូនប្រជាពលរដ្ឋបានប្រមាណ ១១,៩១១,២០៣ដូស (ដប់មួយលានកៅសិប​មួយម៉ឺនមួយពាន់​ពីររយ​បី​ដូស)ក្នុង ២៥ រាជធានី-ខេត្ត»។

លោកបន្ថែមថា «ចាប់ពីថ្ងៃទី១៤ ខែមិថុនា ឆ្នាំ២០២៥ ដល់ថ្ងៃទី៧ ខែមិថុនា ឆ្នាំ២០២៦ ក្រុមការងារ​ក្រុមគ្រូពេទ្យ​ស្ម័គ្រចិត្ត ឯកឧត្តម ហ៊ុន ម៉ានី បានចុះអប់រំសុខភាព ពិនិត្យព្យាបាលជំងឺ ចែកថ្នាំ ផ្តល់សេវា និងគ្រឿងឧបភោគបរិភោគ ​ជូនប្រជាជនភៀសសឹក នៅខេត្តព្រះវិហារ ខេត្តឧត្តរមានជ័យ ខេត្តបន្ទាយមានជ័យ ខេត្តសៀមរាប ខេត្តបាត់ដំបង ខេត្តពោធិ៍សាត់ និងខេត្តកោះកុង»។

លោកបន្តទៀតថា «ក្រៅពីនោះ ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី អប់រំសុខភាព ពិនិត្យព្យាបាលជំងឺ ចែកថ្នាំ ផ្តល់សេវា និងគ្រឿងឧបភោគបរិភោគ ជូនប្រជាជនភៀសសឹក នៅខេត្តព្រះវិហារ ខេត្តឧត្តរមានជ័យ ខេត្តបន្ទាយមានជ័យ ខេត្តសៀមរាប ខេត្តបាត់ដំបង ខេត្តពោធិ៍សាត់ និងខេត្តកោះកុង បានចំនួន ២៩១,៩៣៨នាក់ ដង (ម្ភៃប្រាំបួនម៉ឺន មួយពាន់ ប្រាំបួនរយ សាមសិបប្រាំបីនាក់ ដង) ស្រី ១៧៧,៤០៦នាក់ ដង(ដប់ប្រាំពីរម៉ឺន ប្រាំពីរពាន់ បួនរយប្រាំមួយនាក់ ដង)»។

ប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ក៏បានថ្លែងអំណរគុណដល់បងប្អូនប្រជាពលរដ្ឋដែលតែងតែគាំទ្រ និងបោះឆ្នោតជូនគណបក្សប្រជាជនកម្ពុជា។

ជាមួួយគ្នាដែរនោះ លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានកោតសរសើរ និងវាយតម្លៃខ្ពស់ចំពោះក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដែលសុទ្ធតែជា​វេជ្ជបណ្ឌិត​ជំនាញៗមកពីក្រៅប្រទេសនិងក្នុងប្រទេស តាមមន្ទីរពេទ្យរដ្ឋ និងឯកជន មានបទពិសោធយូរឆ្នាំ រួមទាំង​មានឱសថស្តង់ដា ដែលនាំគ្នាធ្វើអំពើល្អ​បម្រើ​ប្រជាពលរដ្ឋ​ដោយផ្ទាល់មិនគិតផលប្រយោជន៍ផ្ទាល់ខ្លួន ធ្វើឱ្យ​​ប្រជាពលរដ្ឋមានការគាំទ្រយ៉ាងខ្លាំង ដែលជាបេះដូង​ប្រជាពលរដ្ឋ នាំឱ្យ​បងប្អូនប្រជាពលរដ្ឋ បោះឆ្នោត​ជូនគណបក្សប្រជាជនកម្ពុជា ជាបន្តបន្ទាប់។

សូម​បញ្ជាក់ថា ការចុះពិនិត្យនិងព្យាបាលជំងឺជូនប្រជាពលរដ្ឋ គឺជាស្មារតីមនុស្សធម៌សុទ្ធសាធ​ដែល​ស្តែង​ចេញពី សេចក្តីស្រឡាញ់បងប្អូនប្រជាពលរដ្ឋក្នុងនាមជាឈាមជ័រខ្មែរដូចគ្នា ខ្មែរស្រឡាញ់ខ្មែរ ខ្មែររួបរួមគ្នាតែមួយ​អនាគតតែមួយ ពោលគឺការព្យាបាលមិនប្រកាន់បក្សពួក សាសនា ឬនិន្នាការនយោបាយណាមួយឡើយ សំដៅ​ចូលរួម​កាត់បន្ថយភាពក្រីក្ររបស់ប្រជាជន និងបង្កើនភាពសុខដុមរមនាក្នុងសហគមន៍ តាមរយៈការផ្ដល់​សេវា​សុខភាពសាធារណៈដោយឥតគិតថ្លៃ។

បញ្ហាសុខភាពគឺជាមូលដ្ឋានគ្រឹះដើម្បីឆ្ពោះទៅរកភាពជោគជ័យ សុភមង្គល ជូនគ្រួសារ និងសង្គមជាតិ។ ដូចសព្វមួយដង ប្រជាពលរដ្ឋពិតជាមានក្តីរំភើបកក់ក្តៅឥតឧបមា គោរពថ្លែង​អំណរគុណយ៉ាង​ខ្លាំងចំពោះ សម្តេចតេជោ ហ៊ុន សែន សម្តេចគតិព្រឹទ្ធបណ្ឌិត ប៊ុន រ៉ានីហ៊ុនសែន និង ឯកឧត្តមឧបនាយករដ្ឋមន្ត្រី ហ៊ុន ម៉ានី ក្នុងការជួយសកម្មភាព​មនុស្សធម៌នេះជូនដល់ប្រជាពលរដ្ឋជារៀងរហូតមក គឺកើតចេញពីការឧបត្ថម្ភគាំទ្រ និងការ​ចង្អុលបង្ហាញដោយ​ផ្ទាល់ពីសំណាក់ ឯកឧត្តមឧបនាយករដ្ឋមន្ត្រី ហ៊ុន ម៉ានី ដែលលោកតែងតែ​ខ្វល់ខ្វាយ​គិតគូរ និងរួមសុខរួមទុក្ខជាមួយ​ប្រជាពលរដ្ឋ​ដែលជួបការលំបាកក្នុងគ្រប់កាលទេសៈ។ យើងនាំគ្នារួមសុខរួមទុក្ខ​ជាមួយ​​ប្រជាពលរដ្ឋ ដើម្បីរួបរួមគ្នា​ធ្វើអំពើល្អ ដើម្បីផលប្រយោជន៍ប្រជាពលរដ្ឋ ក្នុងបុព្វហេតុ​ជាតិនិង​មាតុភូមិ​របស់យើង ជាពិសេសការចូលរួម​លើកកម្ពស់សុខុមាលភាពប្រជាជនគឺនាំអោយ​មាន​កំណើនសេដ្ឋកិច្ច និងកាត់បន្ថយ​ភាព​ក្រីក្ររបស់​ប្រជាពលរដ្ឋកម្ពុជា​ស្របទៅតាមគោលដៅអភិវឌ្ឍន៍ប្រកបដោយ​ចីរភាព​របស់រាជរដ្ឋាភិបាលនៃ​ព្រះរាជាណាចក្រកម្ពុជា។

សូមរម្លឹកថា សកម្មភាព​ទាំងនេះ​អាច​​ប្រព្រឹត្តទៅ​បានក៏​ដោយសារ​ប្រទេស​ជាតិ​មានស្ថិរភាព និង​សុខ​សន្តិភាព​ពេញលេញ ក្រោម​​ការ​ដឹកនាំប្រកប​ដោយគតិបណ្ឌិត​របស់ សម្តេច​អគ្គ​មហាសេនា​បតីតេជោ ហ៊ុន សែន ។ មាន​​​​​​​តែ​សម្តេចតេជោ​ទេ​ដែល​​​​មាន​​ទេពកោសល្យ​​​​​​ពីកំណើត​នៅ​ក្នុង​ពិភព​លោក​​កម្ររក​បាន​មានប្រាជ្ញា​ឈ្លាស​វៃ​​ប្រកបដោយ​គតិបណ្ឌិត​ក្នុងការដឹក​នាំ​​ប្រទេស​​​ជាតិឲ្យ​មានកា​រ​​រីកចម្រើន​ឥត​​ឈប់​ឈ​រ​មាន​ការ​ផ្សះផ្សា​ជាតិ​​បង្រួប​បង្រួម​ជាតិមាន​ស្ថិរភាព​និងសន្តិភាព​ពិត​ប្រាកដ។​ដូចនេះ​យើង​ទាំង​អស់គ្នា​ត្រូវ​តែរួមគ្នាថែរក្សា​សុខ​សន្តិ​ភាព និង​ស្ថេរ​ភាព​តាម​គោល​​​​នយោបាយ​​ឈ្នះ​ឈ្នះ​របស់​ ​សម្តេចតេជោ ហ៊ុន សែន ឲ្យបានគង់វង្ស​ព្រោះថា​តាម​រយៈ​គោល​នយោបាយនេះហើយ​ដែលធ្វើ​ឲ្យប្រទេស​កម្ពុជា​មានសុខ​សន្តិភាព​​ពេញ​លេញ៕