(កំពង់ឆ្នាំង)៖ យុវជនមួយក្រុមនៅស្រុកកំពង់លែង ខេត្តកំពង់ឆ្នាំង បានឡើងទៅរៀនក្បាច់គុនល្បុក្កតោ នៅសាលាគុនល្បុក្កតោដំបងដែក ខេត្តកំពង់ឆ្នាំង នៅក្រុងកំពង់ឆ្នាំង នៅថ្ងៃទី១៨ ខែមិថុនា ឆ្នាំ២០២៦ ដែលជាថ្ងៃទំនេរពីការសិក្សា។ នេះបើតាមវិដេអូដែលផ្តល់ដោយ លោកព្រឹទ្ធាចារ្យគុនល្បុក្កតោ អំ យុំ។

យុវជនទាំងនោះចេញពីឃុំកំពង់ហៅ ឃុំត្រងិល ឃុំច្រណូក និងឃុំដា បានចំណាយថវិកាផ្ទាល់ខ្លួនក្នុងការធ្វើដំណើរឆ្លងស្រឡាង ពីស្រុកកំពង់លែង ទៅក្រុងកំពង់ឆ្នាំង ដើម្បីរៀនល្បុក្កតោ ដែលជាក្បាច់គុនបុរាណខ្មែរ។ នេះក៏ព្រោះពួកគេយល់ថា ស្រុកកំពង់លែង ជាដែនដីនៃអ្នកចេះក្បាច់គុន និងហាត់ក្បាច់គុន ដូចសម័យតេជោមាស បង្ហាញស្រាប់ ប៉ុន្តែសព្វថ្ងៃ ដោយសារតែគ្មានសាលាគុន ទើបពួកគេទៅរៀននៅក្រុងកំពង់ឆ្នាំង ដូចពេលពេលនេះ។

សូមជម្រាបថា បើទោះបីជាខ្វះខាតសម្ភារ និងទីតាំងសម្រាប់ហាត់មិនសូវសមរម្យក្តី សាលាគុនល្បុក្កតោលោកតាដំបងដែក ខេត្តកំពង់ឆ្នាំង នៅជាសាលាគុនវប្បធម៌ដ៏សកម្មមួយ ស្ថិតនៅភូមិផ្អេរ សង្កាត់ផ្អេរ ក្រុងកំពង់ឆ្នាំង។ សាលាគុននេះ មានតួនាទីសំខាន់ក្នុងការបណ្តុះបណ្តាលសិស្សគុន និងអភិរក្សក្បាច់គុនល្បុក្កតោបុរាណ ដែលតែងតែចូលរួមសម្តែងក្នុងព្រឹត្តិការណ៍វប្បធម៌ជាតិ៕