ស្នងការនគរបាលខេត្តមណ្ឌលគិរី បញ្ជាឲ្យកម្លាំងនគរបាល ត្រូវខិតខំបង្រ្កាប Online Scams និងត្រូវត្រួតពិនិត្យរាល់ការស្នាក់នៅរបស់ជនបរទេស
19-06-2026 14:58
(មណ្ឌលគិរី)៖ ដោយអនុវត្តន៍តាមអនុសាសន៍ណែនាំដ៏ខ្ពង់ខ្ពស់ពីនាយឧត្តមសេនីយ៍ ស ថេត អគ្គស្នងការនគរបាលជាតិ, នៅព្រឹកថ្ងៃសុក្រ ទី១៩ ខែ មិថុនា ឆ្នាំ២០២៦ លោកវរសេនីយ៍ ឯក ជា ចិត្រា ស្នងការនគរបាលខេត្តមណ្ឌលគិរី បានអញ្ជើញជាអធិបតី បើកកិច្ចប្រជុំបូកសរុបលទ្ធផលការងារប្រចាំខែមិថុនា ឆ្នាំ២០២៦ និងលើកទិសដៅអនុវត្តការងារខែបន្តនាខែខាងមុខរបស់ស្នងការដ្ឋាននគរបាលខេត្តមណ្ឌលគិរី។
ក្នុងកិច្ចប្រជុំនេះមានការអញ្ជើញចូលរួមពី លោកស្នងការរង លោកនាយ នាយរងការិយាល័យ លោកអធិការនគរបាលក្រុងស្រុកទាំង៥ លោកមេបញ្ជាការវរសេនាតូចនគរបាលការពារព្រំដែនគោកទាំង២ លោកមេប៉ុស្តិ៍ច្រកទ្វារទ្វេភាគីទាំង៣ និងលោកនាយប៉ុស្តិ៍នគរបាលរដ្ឋបាលទាំង២១ ឃុំសង្កាត់។
-ជាកិច្ចចាប់ផ្តើមបើកកិច្ចប្រជុំ, លោកវរសេនីយ៍ឯក ម៉ិញ ឈុន នាយការិយាល័យសរុបផែនការ ឡើងអានរបាយការណ៍សង្ខេបស្តីពីលទ្ធផលការងាប្រចាំខែមិថុនា ឆ្នាំ២០២៦ និងលើកទិសដៅអនុវត្តន៍ការងាបន្តនាខែខាងមុខ របស់ស្នងការដ្ឋាននគរបាលខេត្ត។
លោកវរសេនីយ៍ឯក ជា ចិត្រា ស្នងការនគរបាលខេត្តមណ្ឌលគិរី បានបូកសរុបបើកកិច្ចប្រជុំ និងបានដាក់ផែនការណ៍មួយចំនួនដូចខាងក្រោម៖
*ទី១៖ ឲ្យគ្រប់តាមបណ្តាស្នងការរងទទួលការងារតាមបណ្តាផែននិមួយៗ ត្រូវបន្តយកចិត្តទុកដាក់អនុវត្តការងារ ទៅតាមតួនាទីភារកិច្ចរបស់ខ្លួនបន្ថែមទៀតទៅតាម បណ្តាការិយាល័យជំនាញនិមួយៗ។
*ទី២៖ ផែនការងារអន្តោរប្រវេសន៍ ត្រូវខិតខំបង្រ្កាបស្គេមអ៊នឡាញ (Online Scams) និងត្រូវត្រួតពិនិត្យរាល់ការស្នាក់ នៅរបស់ជនអន្តោរប្រវេសន៍ ដែលបានមកស្នាក់នៅតាមផ្ទះសំណាក់សណ្ឋាគារឬ មួយនៅតាមរីស៊តផ្សេៗ ក្នុងខេត្តមណ្ឌលគិរី។
*ទី៣៖ នៅតាមបណ្តាអធិការនគរបាលក្រុងស្រុកទាំង៥ ត្រូវខិតខំយកចិត្តទុកដាក់អនុវត្តការងារទៅតាមតួនាទីនិងភារកិច្ចរបស់ខ្លួន និងត្រូវខិតខំយកចិត្តទុកដាក់បង្ការនិងបង្រ្កាប បទល្មើសគ្រឿងញៀននិងល្បែងស៊ីសង គ្រប់ប្រភេទ ដោយអនុវត្តនូវគោលនយោបាយភូមិឃុំសង្កាត់មានសុវត្ដិភាព។
*ទី៤៖ ត្រូវខិតខំជំរុញកាផ្តល់អត្តសញ្ញាណបណ្ណជូនប្រជាពលរដ្ឋ ដែលគ្រប់អាយុឲ្យមកធ្វើអត្តសញ្ញាណបណ្ណ ប្រើប្រាសអោយបានគ្រប់ៗគ្នាទាំងអស់នេះគឺជាគោលការណ៍របស់រាជរដ្ឋាភិបាលដែលបានដាក់ចុះ៕
