(បរទេស)៖ ក្រុមសាំបាប្រេស៊ីល បានឡើងទៅឈរទីកំពូលតារាងនៃពូល C បណ្តោះអាសន្ន ដោយមាន ៤ពិន្ទុផងដែរ ក្រោយឈ្នះហៃទី ៣ទល់នឹង០ ក្នុងប្រកួតទី២ របស់ពួកគេនៅ World Cup 2026។

ប្រេស៊ីល អតីតជើងឯក World Cup ៥សម័យកាលយកបាន ៣ពិន្ទុដោយស្រួលពីក្រុមមកពីតំបន់អាមេរិកខាងជើង ហៃទី ដោយស្រួល ពីការធ្វើបានដោយកីឡាករ Cunha ២គ្រាប់ និង Vinicius Jr។

គិតត្រឹមពេលនេះ ប្រេស៊ីលមាន ៤ពិន្ទុស្មើក្រុមលេខ២ ម៉ារ៉ុក ហើយស្កុតឡេន មាន ៣ពិន្ទុ និងហៃទីឈរបាតតារាង ដោយពុំមានពិន្ទុរាប់នៅឡើយទេ។

ការប្រកួតសន្សំពិន្ទុតាមពូលទាំង ១២ពូល នឹងបន្តរហូតដល់ថ្ងៃទី២៨ ខែមិថុនា ដោយមាន ៤៨ប្រទេស ជ្រើសរើស ៣២ក្រុមឡើងវគ្គបន្ត៕