(ភ្នំពេញ)៖ ក្រសួងសាធារណការ និងដឹកជញ្ជូន (MPWT) និងទីភ្នាក់ងារសហប្រតិបត្តិការអន្តរជាតិជប៉ុន (JICA) បានចេញសេចក្តីជូនដំណឹងស្តីពីការពិគ្រោះយោបល់ជាសាធារណៈលើកទី២ (កិច្ចប្រជុំភាគីពាក់ព័ន្ធ) សម្រាប់ការរៀបចំប្រមូលទិន្ន័យសម្រាប់គម្រោងអភិវឌ្ឍផ្លូវជាតិលេខ១ និងសាងសង់ស្ពានទន្លេមេគង្គ។

នៅក្នុងសេចក្តីជូនដំណឹងរបស់ក្រសួងសាធារណការ និង JICA ដែលបណ្តាញព័ត៌មាន Fresh News ទទួលបាននៅថ្ងៃទី២០ ខែមិថុនា ឆ្នាំ២០២៦នេះ បានឱ្យដឹងថា ក្រោមជំនួយពីទីភ្នាក់ងារសហប្រតិបត្តិការអន្តរជាតិជប៉ុន (JICA) ក្រសួងសាធារណការ និងដឹកជញ្ជូន (MPWT) បានធ្វើការពិគ្រោះយោបល់ជាបន្តបន្ទាប់ជាមួយភាគីពាក់ព័ន្ធ ដើម្បីបង្ហាញព័ត៌មានគម្រោង និងប្រមូលមតិយោបល់ពីភាគីពាក់ព័ន្ធសំខាន់ៗ រួមទាំងតំណាងវិស័យឯកជន អាជ្ញាធរមូលដ្ឋាន ស្រុកនៅជាប់នឹងគម្រោង និងសហគមន៍ដែលរងផលប៉ះពាល់។ ការពិគ្រោះយោបល់ជាសាធារណៈលើកទី១ ត្រូវបានធ្វើឡើងដោយជោគជ័យនៅទីតាំងចំនួនបួន ក្នុងខែតុលា ឆ្នាំ២០២៥។

បន្ទាប់ពីការពិគ្រោះយោបល់ទាំងនេះ ការប្រមូលទិន្នន័យ និងការចុះអង្កេតទីតាំងជាក់ស្តែងត្រូវបានបញ្ចប់។ ដូច្នេះការពិគ្រោះយោបល់ជាសាធារណៈលើកទី២ នឹងត្រូវរៀបចំធ្វើឡើងដើម្បីបង្ហាញលទ្ធផលសិក្សាសំខាន់សម្រាប់គម្រោងវាយតម្លៃផលប៉ះពាល់បរិស្ថានដំបូង (IEIA) និងផែនការសកម្មភាពការតាំងទីលំនៅឡើងវិញ (RAP) សម្រាប់គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ១ និងសាងសង់ស្ពានឆ្លងកាត់ទន្លេមេគង្គ (គម្រោង JICA)៕

ខាងក្រោមនេះជាសេចក្តីជូនដំណឹងរបស់ក្រសួងសាធារណការ និង JICA៖