(បរទេស)៖ អាល្លឺម៉ង់ បានក្លាយជាក្រុមនៅតំបន់អឺរ៉ុបដំបូងគេ កក់កៅអីទៅវគ្គ ៣២ក្រុមនៃ World Cup 2026 ក្រោយឈ្នះកូដឌីវ័រ ២-១ យប់មិញ។

នេះជាជ័យជម្នះទី២ ក្នុងពូល E ក្រោយបំបាក់កូរ៉ាសៅ ៧-១ នៅថ្ងៃបើកឆាក ក្នុងនាមអតីតជើងឯក World Cup ៤សម័យ នៅពេលកូដឌីវ័របានយកឈ្នះអេក្វាទ័រ ១-០។

នេះក៏ជាជោគជ័យលើកដំបូង និងឆ្លងចូលវគ្គចាញ់-ធ្លាក់ ក្នុងចំណោម ១៦ក្រុមប្រចាំអឺរ៉ុប ក្រោយបរាជ័យ ២លើកនៅ World Cup ឆ្នាំ២០១៨ និងឆ្នាំ២០២២ ដែលពួកគេជ្រុះក្នុងពូល ក្រោយឈ្នះជើងឯក World Cup ចុងក្រោយឆ្នាំ២០១៤ នៅប្រេស៊ីលរួចមក។

នៅពេលនេះមាន ៣ក្រុមកក់កៅអីវគ្គ ៣២ក្រុមផ្លូវការរួមមាន សហម្ចាស់ផ្ទះមិចស៊ិក និងអាមេរិក នៅតំបន់អាមេរិខាងជើង និងអាល្លឺម៉ង់។

១ប្រកួតក្នុងពូល F យប់មិញនេះ បច្ចុរាជទឹកក្រូចហូឡង់ ក៏បានបំបាក់ស៊ុយអែត ៥-១ ក្នុងប្រកួតទី២ ផងដែរ៕