(ភ្នំពេញ)៖ អ្នកជំនាញអារ្យធម៌ខ្មែរ លោក រ័ត្ន សណ្តាប់ បានថ្លែងថា ក្នុងចំណោម១៤ ចំណុចនៃកិច្ចព្រមព្រៀងអាមេរិក-អ៊ីរ៉ង់, បើនិយាយអ្នកចាញ់ដ៏ធំបំផុតគឺលោក ណេតាន់យ៉ាហ៊ូ- Netanyahu ដោយហេតុថាគាត់បានចាញ់ទាំងសង្គ្រាម ទាំងសន្តិភាព ខណៈលោក ដូណាល់ ត្រាំ-Donal Trump បានចាញ់សង្គ្រាម តែលោកបានឈ្នះសន្តិភាព។

បានសេចក្ដីថា សម្រាប់លោក Netanyahu រស់មានសេរីភាព គឺដោយសារតែគាត់អាចធ្វើសង្គ្រាមពីមួយទៅមួយមិនឈប់ឈរ។ ព្រោះបើសន្ដិភាព បានរស់ទ្បើងវិញ គឺលោក Netanyah ក៏ឈប់មានអ្វីៗដែរ គឺស្មើនឹងការបាត់បង់កិត្យានុភាព និងសិទ្ធិសេរីភាពផ្ទាល់ខ្លួនរបស់គាត់។

ទន្ទឹមនឹងនេះ បើងាកមកមើលទីក្រុងតេអេរ៉ង់វិញ ហាក់កំពុងក្លាយជាអ្នកឈ្នះពិតប្រាកដ ហើយអ្នកឈ្នះបន្ដទៀតនោះ គឺប្រទេសចិន ដែលជាភ្ញៀវមិនបានស្វាគមន៍ ព្រមទាំងបណ្ដាប្រទេសនៅអាស៊ី, អាហ្វ្រិក, អាមេរិកឡាទីន, អូសេអានី និងមជ្ឈិមបូព៌ា ហៅថា ភាគខាងត្បូងសកល-Global South។ រីឯ លោកខាងលិចវិញ បានលេចចេញនូវភាពអាម៉ាស់មុខ ដោយសារសង្គ្រាមពីដំបូងចង់ផ្លាស់ប្តូររបបដើម្បីជួយសង្គ្រោះស្ត្រីអ៊ីរ៉ង់ ប៉ុន្តែក្នុងកិច្ចព្រមព្រៀងពួកគេបានចារឹកយ៉ាងច្បាស់ថា គ្មានការជ្រៀតជ្រែកណាមួយត្រូវបានអនុញ្ញាតឡើយ។

លោក រ័ត្ន សណ្តាប់ យល់ថា ជាគន្លឹះក្នុងការបកស្រាយនៃកិច្ចព្រមព្រៀងជានយោបាយដំណាក់កាលបើកច្រកសមុទ្រ Hormuz ឡើងវិញ គឺជាភាពជោគជ័យនិងធូរស្រាល ដើម្បីធានានូវបទឈប់បាញ់ហាក់គ្មានអ្វីប្លែកនោះទេ។ ព្រោះច្រកសមុទ្រ Hormuzនេះ ធ្លាប់បើកចំហពីមុន ប៉ុន្តែឥឡូវនេះអ៊ីរ៉ង់បានរកឃើញថា វាអាចបិទនៅពេលណាដែលពួកគេចង់បិទ ហើយប្រែក្លាយជាជញ្ជីងដើម្បីថ្លឹង ធ្វើជាឧបករណ៍នៃសម្ពាធសេដ្ឋកិច្ច និងនយោបាយ។

មួយវិញទៀត កិច្ចព្រមព្រៀងនេះទៀតសោត ក៏នឹងពង្រឹងជំហររបស់អ៊ីរ៉ង់ផងដែរ ដោយការដោះលែងទ្រព្យសម្បត្តិដែលបង្កក, ការលើកទណ្ឌកម្ម, ធនធានសម្រាប់ការកសាងជាតិឡើងវិញ និងលើសពីនេះទៅទៀត ការរស់រានមានជីវិតរបស់របបនេះ ដែលត្រូវបានសួរដោយនិទានកថារបស់លោកខាងលិចដែលបង្កើតឡើងជុំវិញគំនិតនៃការផ្លាស់ប្តូររបប។ សង្គ្រាមនេះ ជាការអន្តរាគមន៍មួយដើម្បីជួយសង្គ្រោះស្ត្រីអ៊ីរ៉ង់ និងក្មេងប្រុសអ៊ីរ៉ង់ ប៉ុន្តែកិច្ចព្រមព្រៀងនេះនឹងចែងថា សហរដ្ឋអាមេរិក និងសម្ព័ន្ធមិត្តរបស់ខ្លួននឹងចៀសវាងការជ្រៀតជ្រែកណាមួយ រួមទាំងសកម្មភាពបង្កអស្ថិរភាព ដែលតែងតែជាជំនាញពិសេសរបស់ភ្នាក់ងារស៊ើបការណ៍សម្ងាត់អាមេរិក និងអ៊ីស្រាអែល។

ហេតុនេះ សូម្បីតែការលះបង់អាវុធនុយក្លេអ៊ែររបស់អ៊ីរ៉ង់ មានចែងក្នុងក្របខ័ណ្ឌនេះ មិនមែនជាភស្តុតាងដោយស្វ័យប្រវត្តិនៃជ័យជម្នះរបស់លោកខាងលិចនោះទេ។ ប៉ុន្តែជាពាក្យសម្ដីដែលសន្មត់របស់ទីក្រុងតេអេរ៉ង់ថា នឹងលះបង់ថាមពលនុយក្លេអ៊ែរយោធាជាថ្នូរដូរមកវិញ ទីក្រុងតេអេរ៉ង់នឹងទទួលបានលទ្ធផលជាក់ស្តែង ដោយទទួលបានទ្រព្យសម្បត្តិមហាសាលដែលត្រូវបានបង្កកមកវិញ ហើយទណ្ឌកម្មនឹងត្រូវបានដកចេញយ៉ាងប្រពៃ៕