(កំពង់ឆ្នាំង)៖ លោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង នៅព្រឹកថ្ងៃទី២១ ខែមិថុនា ឆ្នាំ២ ០២៦នេះ បានដឹកនាំក្រុមវេជ្ជបណ្ឌិតជំនាញនៃមន្ទីរពេទ្យបង្អែកខេត្តកំពង់ឆ្នាំង ចុះពិនិត្យស្ថានភាពជំងឺរបស់យុវតីម្នាក់ ដែលមានជំងឺទាក់ទងនឹងការបន្ទោបង់ រួមទាំងពិនិត្យស្ថានភាពជំងឺជនមានពិការភាពចំនួន ៣នាក់ទៀត ដែលត្រូវជាឪពុកបង្កើត នឹងត្រូវជាឪពុកមាបង្កើតរបស់យុវតីខាងលើនេះ ដែលបច្ចុប្បន្នរស់នៅក្នុងបន្ទុកគ្រួសារតែមួយ ស្ថិតនៅក្នុងភូមិបាញ់ឆ្គោល ឃុំជ្រៃបាក់ ស្រុករលាកប្អៀរ ខេត្តកំពង់ឆ្នាំង។

បន្ទាប់ពីក្រុមវិជ្ជបណ្ឌិតបានធ្វើការសាកសួរ និងពិនិត្យជាក់ស្ដែងទៅលើស្ថានភាពជំងឺរបស់យុវតីខាងលើនេះ ទៅតាមបច្ចេកទេសរបស់ក្រុមវេជ្ជបណ្ឌិតរួចមក ក្រុមការងារវេជ្ជបណ្ឌិតជំនាញបានបញ្ជាក់ថា ជំងឺនេះចាំបាច់ត្រូវតែបញ្ជូនទៅព្យាបាលនៅមន្ទីរពេទ្យទីក្រុងភ្នំពេញ ដើម្បីធ្វើការពិនិត្យនិងពិភាក្សាបន្ថែមជាមួយក្រុមលោកវេជ្ជបណ្ឌិតសំខាន់ៗ ក្នុងការសម្រេចថាតើត្រូវព្យាបាលទៅតាមវិធីសាស្ត្របែបណាដែលអាចជួយនាងបាន។

ករណីនេះដែរលោកវេជ្ជបណ្ឌិត ប្រាក់ វ៉ុន បានបញ្ជាក់ឲ្យដឹងថា ក្រោយពីលោកទទួលបានរបាយការណ៍លម្អិតពាក់ព័ន្ធនឹងស្ថានភាពជំងឺរបស់យុវតីខាងលើនេះ ពីក្រុមវេជ្ជបណ្ឌិតជំនាញរួច លោកនឹងធ្វើរបាយការណ៍បញ្ជូនទៅក្រសួងសុខាភិបាល ដើម្បីសុំគោលការណ៍ពីថ្នាក់លើ និងយកយុវតីរូបនេះ និងឪពុករបស់នាងដែលមានជំងឺ(ថ្លង់)ធ្ងន់ធ្ងរទៅធ្វើការពិនិត្យព្យាបាលនៅមន្ទីរពេទ្យភ្នំពេញផងដែរ។ ឯកាព្យាបាលបែបវិធីសាស្ត្រណានោះអាស្រ័យទៅលើលោកវេជ្ជបណ្ឌិតជំនាញសំខាន់ៗនៅទីក្រុងភ្នំពេញលោកជាអ្នកសម្រេច។

លោកវេជ្ជបណ្ឌិតបញ្ជាក់ទៀតថា លោកមានជំនឿយ៉ាងមុ តមាំទៅលើបច្ចេកទេសនៃការព្យាបាលរបស់ក្រុមវេជ្ជបណ្ឌិ តឯកទេស ដោយព្យាបាលទៅតាមវិធីសាស្រ្តទំនើបៗ និងបច្ចេកវិទ្យាថ្មីៗ ប្រកបទៅដោយគុណភាព និងសុវត្ថិភាពនៃការព្យាបាល, ការអភិវឌ្ឍបច្ចេកទេសព្យាបាលថ្មីៗទាំង នេះគឺស្របតាមគោលនយោបាយរបស់ក្រសួងសុខាភិបា ល និងរាជរដ្ឋាភិបាលកម្ពុជា ដែលមានចក្ខុវិស័យវែងឆ្ងាយក្នុងការផ្ដល់អាទិភាពដល់ការបង្កើតមូលធនមនុស្សនិងកា រយកចិត្តទុកដាក់ខ្ពស់លើសុខភាពប្រជាជន។

លោកវេជ្ជបណ្ឌិតបានបញ្ជាក់បន្ថែមផងដែរថា ដោយមានការអនុញ្ញាតដ៏ខ្ពង់ខ្ពស់អំពីលោកសាស្ត្រាចារ្យ រដ្ឋមន្ត្រីក្រសួងសុខាភិបាល អ្នកជំងឺ ២នាក់ ទាំងយុវតី និងឪពុករបស់គាត់ ដែលមានជំងឺ(ថ្លង់) ត្រូវបានអនុញ្ញាតដឹកយកទៅព្យាបាលនៅមន្ទីរពេទ្យឯទីក្រុងភ្នំពេញ តាមរថយន្តរថយន្តរបស់មន្ទីរពេទ្យបង្អែកខេត្តកំពង់ឆ្នាំង នាព្រឹកថ្ងៃទី២២ ខែមិថុ នា ឆ្នាំ២០២៦ស្អែកនេះផងដែរ។

គួរបញ្ជាក់ថា គ្រួសារមួយមានសមាជិកគ្រួសារសរុបចំនួ ន៦នាក់ ក្នុងនោះមានជនមានពិការភាពចំនួន ៣នាក់ និងមានយុវតីម្នាក់មានជំងឺចម្លែកដែលនាងត្រូវប្រើខោទឹកនោមជាប្រចាំតាំងពីតូចរហូតមកដល់បច្ចុប្បន្ន សព្វថ្ងៃនាងមានអាយុ ១៧ឆ្នាំទៅហើយ និងរៀននៅថ្នាក់ទី៨ផងដែរ។ អាថ៌កំបាំងមួយនេះកន្លងមកនាងមិនដែលបញ្ចេញឲ្យមិត្តភក្កិបានដឹងក្រៅពីក្រុមគ្រួសាររបស់នាងនោះឡើយ។

តែដោ យសារតែនាងចង់រស់នៅមានជីវិតប្រកបដោយសុខភាពល្អបរិបូរណ៍ដូចគេដូចឯង ទើបនៅថ្ងៃទី១៨ ខែមិថុនា ឆ្នាំ២០២៦ នាងក៏បានសម្រេចចិត្តរៀបរាប់អំពីរឿងអាថ៌កំបាំ ងអំពីស្ថានភាពជំងឺរបស់នាងប្រាប់បណ្ដាញព័ត៌មាន fresh news ដើម្បីឲ្យជួយផ្សព្វផ្សាយដំណឹងនេះក្រែងមានសប្បុរសជនជួយយករូបនាងទៅព្យាបាល។

គ្រួសារខាងលើនេះមានទីលំនៅក្នុងភូមិបាញ់ឆ្គោល ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង លេខទូរសព្ទយុវតីខាងលើនេះ ០៩៧ ២៣៦ ៩៤ ១៤/លេខលោកមេភូមិ ០៩៧ ៨៣ ២៤ ៧៣៦៕