(បន្ទាយមានជ័យ)៖ លោក អ៊ុំ រាត្រី អភិបាលអភិបាលខេត្តបន្ទាយមានជ័យ នឹងជាប្រធានក្រុមការងាររាជរដ្ឋាភិបាលចុះមូលដ្ឋានក្រុងសិរីសោភ័ណ នៅរសៀលថ្ងៃទី២១ ខែមិថុនា ឆ្នាំ ២០២៦នេះ បានអញ្ជេីញជាអធិបតីភាពក្នុងវេទិការសាធារណៈ របស់ក្រុមការងាររាជរដ្ឋាភិបាលចុះមូលដ្ឋាន សង្កាត់ទឹកថ្លា ក្រុងសិរីសោភ័ណ។

វេទិការខាងលេីក៏មានការចូលរួមពីសំណាក់អនុប្រធានក្រុមការងារចុះមូលដ្ឋានក្រុង ប្រធានក្រុមការងារចុះមូលដ្ឋានសង្កាត់ និងភូមិ បងប្អូនប្រជាពលរដ្ឋប្រមាណជិត ១៥០នាក់។

លោក សឿន ចាន់ស ចៅសង្កាត់ទឹកថ្លា នឹងជាអនុប្រធានអចិន្ត្រៃយ៍ក្រុមការងារសង្កាត់ បានឱ្យដឹងថា ក្រុមការងារចុះមូលដ្ឋានសង្កាត់ រួមជាមួយលោកមេភូមិ និងអង្គភាពភូមិទាំងអស់ បានចុះសួរសុខទុក្ខប្រជាពលរដ្ឋក្រីក្រ ខ្វះខាតស្បៀង ចាស់ ជរាគ្មានទីពឹង ស្ត្រីមេម៉ាយ ក្មេងកំព្រា និងបានផ្តល់ស្បៀងជូនពលរដ្ឋមានជីវភាពខ្វះខាតជាប្រចាំ។ លោកចៅសង្កាត់ ក៏បានបញ្ជាក់ពីការងារអភិវឌ្ឍន៍ នៅឆ្នាំ២០២៦នេះ រដ្ឋបាលសង្កាត់បានសាងសង់ផ្លូវបេតុងនៅភូមិគាបចំនួន ២ខ្សែ មានប្រវែងសរុប ៧៧៦ម៉ែត្រ។

ជាទិសដៅបន្ត សង្កាត់នឹងខិតខំបម្រេីរសេវាសាធារណៈជូនពលរដ្ឋនៅមូលដ្ឋានដូចជាចុះបញ្ជីអត្រានុកូលដ្ឋានគ្រប់ប្រភេទជូនប្រជាពលរដ្ឋ ខិតខំក្នុងការបំពេញបែបបទធ្វើ ឯកសារអត្តសញ្ញាណកម្ម រួមមាន សៀវភៅគ្រួសារ សៀវភៅស្នាក់នៅ អត្តសញ្ញាណប័ណ្ណ សញ្ជាតិខ្មែរ ជូនប្រជាពលរដ្ឋនៅមូលដ្ឋានឱ្យានល្អប្រសេីរ។ ជាពិសេសអនុវត្តនូវគោលនយោបាយភូមិ ឃុំ-សង្កាត់មានសុវត្ថិភាពឱ្យបានខ្ជាប់ខ្ជួន។

មានប្រសាសន៍នៅក្នុងវេទិការលោក អ៊ុំ រាត្រី បានបញ្ជាក់ថា វេទិការនេះប្រារព្ធធ្វេីឡេីងដេីម្បីពិនិត្យកិច្ចការអភិវឌ្ឍន៍នៅមូលដ្ឋាន អនុវត្តតាមយុទ្ធសាស្ត្របញ្ចកោណដំណាក់កាលទី១ របស់ប្រមុខរាជដ្ឋាភិបាល និតីកាលទី៧ ក្រោមការដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក៏ដូចជាលើកឡើងនៅបញ្ហាប្រឈម និងសំណូមពរនៅក្នុងមូលដ្ឋាន ដេីម្បីធ្វេីការដោះស្រាយចំពោះមុខ ហេីយចំពោះបញ្ហាដែលនៅសេសសល មិនអាចដោះស្រាយនៅចំពោះមុខបាន និងលេីកយកទៅធ្វេីការដោះស្រាយបន្ត។

នៅក្នុងវេទិការក៏បានបើកឱកាសឱ្យប្រជាពលរដ្ឋ ក្នុងការលើកឡើងជាមតិយោបល់ លើកឡើងអំពីបញ្ហាប្រឈម និងសំណូមពរនានានៅក្នុងមូលដ្ឋាន។ ក្នុងបញ្ហាប្រឈម និងសំណូមពរ ដែលបងប្អូនពលរដ្ឋបានលេីកឡេីងមានចំនួន ១៥ករណី ដោះស្រាយចំពោះមុខបាន ១៣ករណី នៅសល់២ករណី និងត្រូវពិភាក្សាដោះស្រាយបន្ត៕