(សៀមរាប)៖ លោកស្រី សោម រស្មី ហេងសួរ សមាជិកសមាគមកាយឫទ្ធិនារីកម្ពុជា បានអញ្ជើញចូលរួមជាកិត្តិយសក្នុងពិធីបើកមហាសន្និបាតកាយឫទ្ធិនារីពិភពលោក លើកទី៣៩ និងកិច្ចប្រជុំប្រចាំឆ្នាំលើកទី៤២ នៃសហគមន៍ The Olave Baden-Powell Society (OB-PS) ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អគ្គស្នងការសមាគមកាយឫទ្ធិនារីកម្ពុជា។ ព្រមជាមួយគ្នានេះ លោកជំទាវ សោម រស្មី ហេងសួរ ក៏បានអញ្ជើញចូលរួមជាកិត្តិយសក្នុងពិធីរាត្រីកម្ពុជា (CAMBODIA NIGHT) ក្រោមអធិបតីភាពដ៏ខ្ពង់ខ្ពស់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អគ្គស្នងការសមាគមកាយឫទ្ធិនារីកម្ពុជា នៅព្រះលានជល់ដំរី ទឹកដីអង្គរនៃព្រះរាជាណាចក្រកម្ពុជា។

កម្មវិធីរាត្រីកម្ពុជា (CAMBODIA NIGHT) គឺជាពិធីបូកសរុបនូវកម្មវិធីមហាសន្និបាតកាយឫទ្ធិនារីពិភពលោកលើកទី៣៩ និងកិច្ចប្រជុំប្រចាំឆ្នាំលើកទី៤២ របស់សហគមន៍ OB-PS ឆ្នាំ២០២៦ ដែលត្រូវបានប្រារព្ធឡើងក្នុងរយៈពេល ០៤ថ្ងៃកន្លងមក (ថ្ងៃទី១៦-១៩ ខែមិថុនា ឆ្នាំ២០២៦) នៅសណ្ឋាគារសុខាសៀមរាប ទឹកដីអង្គរនៃព្រះរាជាណាចក្រកម្ពុជា ដែលមានសមាជិកចូលរួមមកពី ១៥៣ប្រទេស ទាំង៥តំបន់ រួមមាន៖ តំបន់ Asia Pacific, Europe, Arab Africa និង Western Hemisphere៕