(បរទេស)៖ វគ្គសន្សំពិន្ទុតាមពូលនីមួយៗនៃជុំទី២ ក្នុងព្រឹត្តិការណ៍បាល់ទាត់ពិភពលោក FIFA World Cup 2026 នឹងបន្តធ្វើឡើងនៅរាត្រីនេះ គ្រាដែល Lionel Messi នឹងកាន់កាប់កំណត់ត្រាថ្មី ក្នុងនាមអ្នកស៊ុតច្រើនគ្រាប់ ប្រសិនបើរកបានគ្រាប់ ពេលអាហ្សង់ទីន ប៉ះអូទ្រីសរាត្រីនេះ។

បច្ចុប្បន្នប្រធានក្រុមអាហ្សង់ទីនរូបនេះ មាន ១៦គ្រាប់ស្មើនឹង Miroslav Klose និងរកបានតែ ១គ្រាប់ប៉ុណ្ណោះ ក្នុងការបំបែកកំណត់ត្រាអ្នកស៊ុតច្រើនគ្រាប់នៃជុំចុងក្រោយ World Cup ដែលកីឡាករអាល្លឺម៉ង់បានកាន់កាប់អស់ ១២ឆ្នាំមកនេះ។

Messi ដែលបានឈានចូលវ័យ ៣៩ឆ្នាំ មាន ៣គ្រាប់ នៅពេលធ្វើបានហែតទ្រីក ពេលក្រុមការពារតំណែងជើងឯក អាហ្សង់ទី បំបាក់គូប្រជែងអាល់ហ្សេរី ៣-០ នៅថ្ងៃបើកឆាករបស់ពួកគេ J នៅពេល Undav របស់អាល្លឺម៉ង់ និង David របស់ម្ចាស់ផ្ទះកាណាដា មាន ៣គ្រាប់ដែរ ក្រោយឆ្លងកាត់ ២ប្រកួត។

គូទី៤១៖ អាហ្សង់ទីន ប៉ះ អូទ្រីស ម៉ោង ១២យប់នេះ (ពូល J)

គូទី៤២៖ បារាំង ប៉ះ អ៉ីរ៉ាក់ ម៉ោង ៤ទៀបភ្លឺ (ពូល I)

គូទី៤៣៖ ន័រវេស ប៉ះ សេណេហ្គាល់ ម៉ោង ៧ព្រឹកស្អែក (ពូល I)

គូទី៤៤៖ ហ្ស៊កដានី ប៉ះ អាល់ហ្សេរី ម៉ោង ១០ព្រឹកស្អែក (ពូល J)៕