(ភ្នំពេញ)៖ កម្មវិធីបញ្ញាសិប្បនិម្មិតឈានមុខគេរបស់ខ្មែរ Fresh AI បានដាក់ចេញកំណែទម្រង់ថ្មី Version 29 សម្រាប់ Desktop ដោយបានបន្ថែមនូវមុខងារពិសេសដ៏គួរឱ្យទាក់ទាញមួយ ដែលឆ្លើយតបចំតម្រូវការប្រចាំថ្ងៃរបស់អ្នកប្រើប្រាស់យ៉ាងខ្លាំង។ មុខងារថ្មីនោះគឺ លោកអ្នកអាចធ្វើការទាញយក (Download) វីដេអូពីបណ្តាញសង្គមល្បីៗ រួមមាន YouTube, Facebook និង TikTok មកទូរស័ព្ទដៃបានភ្លាមៗ និងយ៉ាងងាយស្រួលបំផុត។

មុខងារនេះដាក់ឲ្យដំណើរការនៅលើសេរីកុំព្យូទ័រមុន (Desktop) ទូរស័ព្ទនឹងចេញនៅប៉ុន្មានថ្ងៃខាងមុខទៀត។

កន្លងមក នៅពេលដែលអ្នកប្រើប្រាស់ចង់ទាញយកវីដេអូដែលខ្លួនពេញចិត្តពី YouTube, Facebook ឬ TikTok ទៅរក្សាទុកក្នុងម៉ាស៊ីន ពួកគេតែងតែជួបការលំបាកដោយត្រូវស្វែងរកគេហទំព័រ ឬកម្មវិធីជំនួយ (Third-party downloaders) ផ្សេងៗនៅលើអ៊ីនធឺណិត។

ប៉ុន្តែនៅក្នុង Fresh AI Version 29 ថ្មីនេះ អ្វីៗត្រូវបានសម្រួលមកនៅត្រឹមតែមួយប៉ព្រិចភ្នែកប៉ុណ្ណោះ។ លោកអ្នកគ្រាន់តែកូពី Link វីដេអូដែលចង់បានពី YouTube, Facebook ឬ TikTok រួចយក Link នោះមកបោះចូល (Paste URL) នៅក្នុងប្រអប់សាររបស់ Fresh AI ភ្លាមៗនោះ ប្រព័ន្ធ AI នឹងធ្វើការទាញយកវីដេអូនោះមកបង្ហាញ ហើយលោកអ្នកគ្រាន់តែចុចលើប៊ូតុង «Save» តែមួយគត់ជាការស្រេច។

ការវិវត្តខ្លួនរបស់ Fresh AI នៅក្នុងកំណែទម្រង់ថ្មីនេះ បង្ហាញឱ្យឃើញពីការយល់ដឹងច្បាស់ពីទម្លាប់រស់នៅ និងការកម្សាន្តតាមបែបឌីជីថលរបស់ប្រជាពលរដ្ឋកម្ពុជា។ មុខងារនេះមិនត្រឹមតែផ្តល់ភាពងាយស្រួលដល់អ្នកទស្សនាទូទៅនោះទេ ប៉ុន្តែវាក៏ជាឧបករណ៍ដ៏មានប្រយោជន៍សម្រាប់សិស្ស-និស្សិត លោកគ្រូ-អ្នកគ្រូ និងអ្នកស្រាវជ្រាវ ក្នុងការទាញយកវីដេអូអប់រំ ឬមេរៀននានាមកទុកមើលពេលគ្មានអ៊ីនធឺណិត (Offline) ផងដែរ៕

Please Download:
https://freshai.com.kh/download