(ភ្នំពេញ)៖ លោកបណ្ឌិត ឈាង វណ្ណារិទ្ធ ប្រធានក្រុមទីប្រឹក្សារដ្ឋសភា បានយល់ឃើញថា ទឹកប្រាក់ចំនួន៣០០ពាន់លានដុល្លារ សម្រាប់ដាក់ទុនវិនិយោគពីសម្ព័ន្ធមិត្តអាមេរិក ក្នុងការកសាងប្រទេសអ៉ីរ៉ង់ឡើងវិញ ដែលអាមេរិកចុះហត្ថលេខាយល់ព្រមក្នុងកិច្ចព្រមព្រៀងសន្តិភាពបឋមជាមួយអ៉ីរ៉ង់ មើលពីខាងក្រៅប្រៀបដូចជាអាមេរិក ផ្ដល់សំណងដល់អ៉ីរ៉ង់សម្រាប់ការខូចខាតដោយសារសង្រ្គាម។ ប៉ុន្តែចំនួនទឹកប្រាក់នេះ ដែលជាការដាក់ទុនផ្ទាល់ពីប្រទេសសម្ព័ន្ធមិត្តអាមេរិក ដែលមានអឺរ៉ុប និងជប៉ុននោះ អាចជាអន្ទាក់សេដ្ឋកិច្ចរបស់អាមេរិក ក្នុងថ្ងៃអនាគតលើនយោបាយរបស់អ៉ីរ៉ង់ក៏ថាបាន។

ប៉ុន្តែករណីនេះលោកបណ្ឌិត ជឿជាក់ថា អ្នកនយោបាយអ៉ីរ៉ង់ និងប្រជាជនអ៉ីរ៉ង់ នឹងមិនងាយភ្លេចទង្វើរបស់អាមេរិក និងអ៉ីស្រាអែល លើប្រទេសរបស់ខ្លួនឡើយ។ ការបញ្ជាក់បែបនេះរបស់លោកបណ្ឌិត បានធ្វើឡើងនៅក្នុងកិច្ចពិភាក្សា Fresh Talk នាថ្ងៃសៅរ៍សប្ដាហ៍កន្លងទៅ។

ជាបន្តដើម្បីជ្រាបកាន់តែច្បាស់សូមទស្សនិកជនទស្សនាកិច្ចពិភាក្សាបន្តដូចតទៅ៖