(បរទេស)៖ ២គ្រាប់បំប៉ោងសំណាញ់ទី ក្នុងចំណោម ៥គ្រាប់របស់ព័រទុយហ្គាល់ យកឈ្នះគូប្រជែងអ៊ូសបេគីស្ថាន ៥-០ នៅ FIFA World Cup 2026 វាបានបង្កើតកំណត់ត្រាថ្មីចំនួន ២ សម្រាប់ Cristiano Ronaldo ដោយពុំមានកីឡាកររូបណាងាយបំបែកបានឡើយ។

បើយោងតាម facebook ផ្លូវការរបស់សហព័ន្ធបាល់ទាត់អន្តរជាតិ FIFA ខ្សែប្រយុទ្ធវ័យ ៤១ឆ្នាំរូបនេះ បានបន្សល់ទុកនូវកំណត់ត្រាថ្មី ២មានដូចជា៖

១៖ ទាត់បញ្ចូលទីទាំង ៦លើកនៅ World Cup តែម្តង គិតចាប់តាំងពីបង្ហាញខ្លួនលើកដំបូងកាលឆ្នាំ២០០៦ នៅប្រទេសអាល្លឺម៉ង់រួចមក គ្រាដែលគូប្រជែង Lionel Messi របស់អាហ្សង់ទីនលេងបាន ៦លើកស្មើគ្នា ប៉ុន្តែកាល World Cup 2010 នៅអាហ្រ្វិកខាងត្បូង Messi បានខកខានរកគ្រាប់បាល់។

២៖ រកបានគ្រាប់បាល់ច្រើនជាងគេនៅ World Cup សម្រាប់ក្រុមបច្ចខែលព័រទុយហ្គាល់ ដោយមាន ១០គ្រាប់ ពីការបង្ហាញខ្លួននៅជុំចុងក្រោយ ៦សម័យកាល។

ទោះជាយ៉ាងណា ស្ថិតក្នុងវ័យជ្រេ ក៏ប៉ុន្តែ CR7 នៅមិនទាន់ប្រកាសចូលនិវត្តន៍ពីជម្រើសជាតិនៅឡើយទេ ដ្បិតរូបលោករកបាន ៩៧៥គ្រាប់ ដោយនៅខ្វះតែ ២៥គ្រាប់ទៀតប៉ុណ្ណោះនៃគោលដៅ ១,០០០គ្រាប់ទាំងក្នុងក្លិបអាជីព និងជម្រើសជាតិ គ្រាដែលប្រទេសស្ថិតនៅតំបន់អឺរ៉ុបមួយនេះ ត្រៀមធ្វើម្ចាស់ផ្ទះ World Cup 2030 គម្រប់ខួប ១០០ឆ្នាំ ស្របពេល Messi បានលាអ្នកគាំទ្ររួចរាល់ហើយ៕